順興茶餐廳

營業中

休息中

大坑以前係本土地踎茶檔食店聚腳地，近年開始行文青風。喺歐陸all day breakfast cafe同grill bar之間，仍然有一間茶記大排長龍。順興地方唔大，但係唔需要排好耐。伙記緊守香港茶記特色，一坐低就等你落單，轉頭就上菜。黎到順興，梗係食招牌滑蛋叉燒飯。蛋非常嫩滑，每一啖都有蛋汁，少少甜味加上蔥粒蓋過咗我討厭嘅蛋腥味。滑蛋份量十足，每一啖飯都可以配蛋（但係份量太大，一個女仔一定食唔晒）。叉燒反而冇咩特別，偏乾又比較瘦。我鍾意佢豉油另上，對我呢種口味比較淡嘅人好體貼。