影片
更多
2024-03-04
101 瀏覽
生日飯一餐接一餐，今次約咗舊同事去大坑做下貴婦食Brunch！呢間餐廳喺精品酒店入面，裝修走三十年代百老匯風格，黑色牆身配白色牆磚，加埋木枱同灰皮凳，☺️relax而不失時代感，室內樓底高，日光充足，感覺好舒服！😌好啱放假瞓到自然醒再去chill下！雖然餐廳走中高價位，不過Brunch套餐性價比都幾高下，$228/位有4道前菜畀兩個人share食，一個主食，一份甜品同餐飲。🤗每一道前菜份量都好足，只食前菜都回本！而主菜都無因為係Brunch而減少，呢個餐其實可以當Breakfast+Lunch+Tea一齊食，好飽飽～前菜🍈巴馬火腿配蜜瓜鹹香嘅Parma Ham配清甜嘅蜜瓜幾時都係咁醒神開胃！🥗煙燻三文魚凱撒沙律煙燻三文魚整成一絲絲撈落啲沙律菜度，比起一片片無咁鹹，更易入口，而且沙律菜加咗好多芝士粉，一樣咁開胃！🥑芋頭片配牛油果蓉芋頭片炸得好爽脆，但乾身唔油膩，沾埋有少少辣嘅牛油果醬一齊食，感覺比食薯片健康呢！如果Happy Hour有杯酒，應該可以食唔停！🥗卡布里沙律卡布里沙律有水牛芝士、蕃茄仔、果仁碎同牛油果醬撈埋，雖然無凱撒沙律咁清新，但口感更有層次，係兩種唔同嘅味道！🧀黑松露芝士巴
雖然餐廳走中高價位，不過Brunch套餐性價比都幾高下，$228/位有4道前菜畀兩個人share食，一個主食，一份甜品同餐飲。🤗每一道前菜份量都好足，只食前菜都回本！而主菜都無因為係Brunch而減少，呢個餐其實可以當Breakfast+Lunch+Tea一齊食，好飽飽～
前菜
🍈巴馬火腿配蜜瓜
鹹香嘅Parma Ham配清甜嘅蜜瓜幾時都係咁醒神開胃！
🥗煙燻三文魚凱撒沙律
煙燻三文魚整成一絲絲撈落啲沙律菜度，比起一片片無咁鹹，更易入口，而且沙律菜加咗好多芝士粉，一樣咁開胃！
🥑芋頭片配牛油果蓉
芋頭片炸得好爽脆，但乾身唔油膩，沾埋有少少辣嘅牛油果醬一齊食，感覺比食薯片健康呢！如果Happy Hour有杯酒，應該可以食唔停！
🥗卡布里沙律
卡布里沙律有水牛芝士、蕃茄仔、果仁碎同牛油果醬撈埋，雖然無凱撒沙律咁清新，但口感更有層次，係兩種唔同嘅味道！
🧀黑松露芝士巴馬火腿多士
多士細細件，烘底嘅多士鬆化脆口，入面有Mozzarella芝士同Parma Ham，咸香十足，而且好香黑松露味，濃而不膩，呢個size我覺得啱啱好！
主食
🐟香煎比目魚配芒果莎莎
比目魚好厚肉，魚肉嫩滑無雪味，配埋芒果嘅清甜，夠fresh！
🐷慢煮豬鞍配雜菜
豬鞍一樣好厚肉，而且煎到好腍幾香口。最欣賞嘅係綿密嘅南瓜蓉同爽脆嘅蔬菜，無咩油又解膩！
💥芝士蛋糕
芝士蛋糕一啖食晒，加埋伴碟嘅爆炸糖嘅刺激，可以滿足食甜品嘅願望又唔會太多，非常好！
張貼
