影片
更多
2022-08-28
276 瀏覽
最近有好多川菜餐廳喺荃灣插旗，呢間千色匯嘅十二味已經係荃灣第二間分店，全港分店更超過20間！屋企人食過午市套餐，價錯由$48到$73不等，性價比高！今次嚟食晚餐，餐廳裝修簇新，樓底高，座位、通道寬敞，整體感覺舒適！座位多為4人卡位，全間餐廳可以容納大概四、五十人！坐低就見到餐廳提供印有熊貓圖案嘅口罩套，埋單仲見到收銀處有個充電器租借站，服務幾貼心！➺➺人見人愛酸菜魚$248呢個1至2人份量嘅酸菜魚，一上枱就好吸睛，因為份量真係好多，有大量調味料：芫荽、芝麻、胡椒、菊花，仲有萵筍、酸菜等配菜，魚塊份量唔少，整體結實唔鬆散，食落仲幾滑溜！但係印象最深刻係第一啖飲嘅酸辣湯，洋溢着菊花嘅清香！以前食酸菜魚印象中係冇加菊花，但係原來加咗菊花係會畫龍點睛！自己本身唔算食得辣，今次叫小辣覺得唔算好辣，下次可以挑戰中辣！➺➺蔥油拌麵$38份量都係好多，幾抵食，炸過嘅蔥乾身好香口，麵條綿長，均勻沾染醬油，味道唔算濃烈，食完唔會口乾乾想飲水！➺➺熱情果梳打$28隻杯嘅size完全係出面飲生啤啤酒杯嘅大小，超過500 ml，見到又係會驚呼好大杯！因為百香果醬沉晒喺底，而梳打水份量好多，飲之前一定要攪勻，先可
今次嚟食晚餐，餐廳裝修簇新，樓底高，座位、通道寬敞，整體感覺舒適！座位多為4人卡位，全間餐廳可以容納大概四、五十人！坐低就見到餐廳提供印有熊貓圖案嘅口罩套，埋單仲見到收銀處有個充電器租借站，服務幾貼心！
➺➺人見人愛酸菜魚$248
呢個1至2人份量嘅酸菜魚，一上枱就好吸睛，因為份量真係好多，有大量調味料：芫荽、芝麻、胡椒、菊花，仲有萵筍、酸菜等配菜，魚塊份量唔少，整體結實唔鬆散，食落仲幾滑溜！但係印象最深刻係第一啖飲嘅酸辣湯，洋溢着菊花嘅清香！以前食酸菜魚印象中係冇加菊花，但係原來加咗菊花係會畫龍點睛！自己本身唔算食得辣，今次叫小辣覺得唔算好辣，下次可以挑戰中辣！
➺➺蔥油拌麵$38
份量都係好多，幾抵食，炸過嘅蔥乾身好香口，麵條綿長，均勻沾染醬油，味道唔算濃烈，食完唔會口乾乾想飲水！
➺➺熱情果梳打$28
隻杯嘅size完全係出面飲生啤啤酒杯嘅大小，超過500 ml，見到又係會驚呼好大杯！因為百香果醬沉晒喺底，而梳打水份量好多，飲之前一定要攪勻，先可以飲到整體味道！食辣嘢一定要飲有汽飲品！
** 設加一服務收費
張貼
