影片
更多
2024-07-14
125 瀏覽
👦🏻👧🏻一段時間前有去過荃灣分店用餐，今次去開大埔探朋友，發現原來大埔都有分店，緊係要食返餐好！餐廳裝潢以中式宮廷風為主，擺盤亦具誠意，相當有Feel又可以打卡。加上佢地嘅食物質素亦頗高，推薦大家約朋友嚟烚下烚下🍲！🌟花膠雞湯鍋(半隻)湯底一如預料呈金黃色，相當濃郁同鮮甜，打邊爐前記住要先飲碗真材實料嘅湯。店員會即席剪細花膠再提醒需要煮耐少少，而雞件則本身已煮至半熟，輕輕煮兩分鐘左右便能享用，雞肉嫩滑雞皮爽彈。🌟牛肉拼盤(細)牛肉拼盤雖然已經係細份，但份量就真係好足料，建議多人Share食！拼盤有齊頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，總共7款牛肉🐮。👧🏻就相當欣賞雪花肥牛同牛舌花，前者脂肪均勻相當重牛肉香，而後者則估唔到烚下烚下嘅牛舌質感可以保留到相當軟身又略略爽口。🌟龍蝦墨魚丸(4粒)用墨魚丸包住龍蝦肉🦞，相當創新！墨魚丸冇點溝粉，墨魚味幾重手🦑，再包住彈牙嘅龍蝦肉。🌟伊比利亞橡果豬橡果豬切成薄片，輕易看見呈大理石紋般嘅油花，豬肉略帶榛果香，比平時食豬肉味道更豐富，質感更嫩滑。🌟大滾友雜菜拼盤打邊爐緊係要食多嘅菜平衡一下，雜菜拼
🌟花膠雞湯鍋(半隻)
湯底一如預料呈金黃色，相當濃郁同鮮甜，打邊爐前記住要先飲碗真材實料嘅湯。店員會即席剪細花膠再提醒需要煮耐少少，而雞件則本身已煮至半熟，輕輕煮兩分鐘左右便能享用，雞肉嫩滑雞皮爽彈。
🌟牛肉拼盤(細)
牛肉拼盤雖然已經係細份，但份量就真係好足料，建議多人Share食！拼盤有齊頂級安排斯牛小排、本地手切牛頸脊、澳洲和牛金錢展、美國頂級雪花肥牛、牛黃喉、牛肉粒、牛舌花，總共7款牛肉🐮。
👧🏻就相當欣賞雪花肥牛同牛舌花，前者脂肪均勻相當重牛肉香，而後者則估唔到烚下烚下嘅牛舌質感可以保留到相當軟身又略略爽口。
🌟龍蝦墨魚丸(4粒)
用墨魚丸包住龍蝦肉🦞，相當創新！墨魚丸冇點溝粉，墨魚味幾重手🦑，再包住彈牙嘅龍蝦肉。
🌟伊比利亞橡果豬
橡果豬切成薄片，輕易看見呈大理石紋般嘅油花，豬肉略帶榛果香，比平時食豬肉味道更豐富，質感更嫩滑。
🌟大滾友雜菜拼盤
打邊爐緊係要食多嘅菜平衡一下，雜菜拼盤就有齊油墨菜、生菜🥬、萵荀、淮山、雲耳、粟米🌽、蓮藕、番茄🍅、金菇等不同蔬菜。
🌟大滾友響鈴拼盤
響鈴拼盤有齊原味同咸蛋黃味嘅響鈴，炸得鬆脆，亦非常掛湯。
🌟火焰焦糖豆腐花
要完美結束一餐，就緊係要有甜品！豆腐花用木桶盛載著，店員即席炙燒豆腐花，有火焰🔥視覺效果一流！豆腐花亦非常重豆味，灑上黃糖食就一流！
🌟生啤
生啤都有幾個牌子可選擇，今次就揀咗Hoegarden👍🏻。
張貼
