影片
更多
2024-12-30
239 瀏覽
呢排天氣咁凍又係時候去打邊爐，近近哋就嚟咗大埔呢間大滾友開餐，掛住佢個花膠雞湯鍋。對上一次嚟已經係一年前，餐廳裝修冇咩點變動，門口位置擺咗皇帝椅俾顧客打卡用。花膠雞湯鍋 ($328 / 半隻) : 雖然半隻雞但係份量都好多，湯底味道鮮甜，而且花膠亦好大件，雞肉口感嫩同特意分開上，因為怕淥得太耐肉質會韌，呢個做法非常細心。大滾友牛肉拼盤 ($428 / 細) : 呢個拼盤超級好，可以一次食齊七款唔同部位，牛肉油脂分布平均，肉味濃郁，自己最鍾意食當中嘅牛黃喉，口感超級爽。伊比利亞橡果豬 ($228) : 橡果豬油香滿溢，入口即溶，而且更有種獨特嘅甘甜同堅果味，真係一分錢一分貨。和牛墨魚丸 4 粒 ($78)，黑松露蟹肉餃 6 粒 ($108) : 兩款餃同丸都超鍾意食，尤其係蟹肉餃勁鮮甜勁多餡，可惜掛住食唔記得影相。最後食埋個超豐富嘅蔬菜拼盤，蔬菜有粟米、蓮藕、金菇、生菜、蕃茄、萵筍、紫淮山、油麥菜、娃娃菜等等，非常健康之餘價錢又唔貴。
呢排天氣咁凍又係時候去打邊爐，近近哋就嚟咗大埔呢間大滾友開餐，掛住佢個花膠雞湯鍋。
對上一次嚟已經係一年前，餐廳裝修冇咩點變動，門口位置擺咗皇帝椅俾顧客打卡用。
花膠雞湯鍋 ($328 / 半隻) : 雖然半隻雞但係份量都好多，湯底味道鮮甜，而且花膠亦好大件，雞肉口感嫩同特意分開上，因為怕淥得太耐肉質會韌，呢個做法非常細心。
大滾友牛肉拼盤 ($428 / 細) : 呢個拼盤超級好，可以一次食齊七款唔同部位，牛肉油脂分布平均，肉味濃郁，自己最鍾意食當中嘅牛黃喉，口感超級爽。
伊比利亞橡果豬 ($228) : 橡果豬油香滿溢，入口即溶，而且更有種獨特嘅甘甜同堅果味，真係一分錢一分貨。
和牛墨魚丸 4 粒 ($78)，黑松露蟹肉餃 6 粒 ($108) : 兩款餃同丸都超鍾意食，尤其係蟹肉餃勁鮮甜勁多餡，可惜掛住食唔記得影相。
最後食埋個超豐富嘅蔬菜拼盤，蔬菜有粟米、蓮藕、金菇、生菜、蕃茄、萵筍、紫淮山、油麥菜、娃娃菜等等，非常健康之餘價錢又唔貴。
張貼
