Jack's Terrazza Ristorante

營業中

休息中

五一勞動節，大好假期梗係要出去玩下啦！我哋去咗大尾篤放風箏同踩單車，玩到黃昏見肚餓，梗係搵嘢食啦！原本諗住食泰菜，但係又喉嚨痛，行行吓見到有間西餐，簡直就係清泉！二話不說就入去試吓！我入到去已經聽到好美妙嘅琴聲同埋一把悅耳嘅聲音，我原來呢度有live Band，正呀！我哋坐正喺live Band前面張枱，勁有氣氛！我哋叫咗個炸魚薯條同埋個牛扒，兩樣都係好好食呀！個炸魚勁大嚿，薯條即炸香脆可口！牛扒七成熟，肉質鮮嫩！最後，仲有個甜品又係正！都好耐冇試過咁大件嘅Tiramisu，雖然食到飽但都要堅持食埋佢，就知有幾好味啦！朋友入嚟大尾篤玩，一定要試吓佢啦！