影片
更多
2023-03-08
145 瀏覽
💁♀️💁♂️ 3/3/2023(Fri), Dinner🍽大埔墟食肆林立，每間食一次要食勻晒都要唔少時間。今晚為食妙妙同A先生就去咗其中一間爆場店-茶舍去食晚飯。其實之前經過都見呢間餐廳既餐牌好吸引，比起一般茶餐廳既食物精緻啲，又特別啲。環境方面都好光猛，坐得都算舒服。而今晚我地order咗：🔆 濃蝦湯海鮮扁意粉🍝（$72）我地見店內都有唔少人叫呢款濃蝦湯海鮮，於是乎又叫嚟試吓先。海鮮有帶子、蝦🦐、蜆同埋魷魚🦑圈，再加少少菇，用一個好濃味既蝦湯底去煮。餐牌可以揀湯飯或者扁意粉，我地今晚就選擇咗扁意粉。上枱時先飲一啖蝦🦐湯先，蝦味濃郁得嚟又唔會好鹹。扁意粉吸收咗蝦湯既味道，配合用蝦湯煮過既海鮮一齊食，鮮味十足。海鮮全部食落都彈牙好食，唔係d雪咗好耐既貨色，性價比高之選。🔆 脆炸軟殼蟹🦀芥末醬吐司🍞（$98）A先生本身唔係十分喜歡食米飯既🍚人，所以佢就選擇咗呢個脆炸軟殼蟹🦀芥末醬吐司🍞。點餐時可以選配薯條🍟或者沙律🥗，我哋就要咗香口啲既薯條🍟。吐司🍞切開一半，入面有原隻既軟殼蟹🦀、生菜🥬同蕃茄🍅，上面加咗芥末沙律醬。份量大到唔能夠一口完整咁咬落去，唯有切開嚟食啦。軟殼蟹炸得酥脆，連埋有少少
💁♀️💁♂️ 3/3/2023(Fri), Dinner🍽
大埔墟食肆林立，每間食一次要食勻晒都要唔少時間。今晚為食妙妙同A先生就去咗其中一間爆場店-茶舍去食晚飯。其實之前經過都見呢間餐廳既餐牌好吸引，比起一般茶餐廳既食物精緻啲，又特別啲。環境方面都好光猛，坐得都算舒服。
而今晚我地order咗：
🔆 濃蝦湯海鮮扁意粉🍝（$72）
我地見店內都有唔少人叫呢款濃蝦湯海鮮，於是乎又叫嚟試吓先。海鮮有帶子、蝦🦐、蜆同埋魷魚🦑圈，再加少少菇，用一個好濃味既蝦湯底去煮。餐牌可以揀湯飯或者扁意粉，我地今晚就選擇咗扁意粉。
上枱時先飲一啖蝦🦐湯先，蝦味濃郁得嚟又唔會好鹹。扁意粉吸收咗蝦湯既味道，配合用蝦湯煮過既海鮮一齊食，鮮味十足。海鮮全部食落都彈牙好食，唔係d雪咗好耐既貨色，性價比高之選。
🔆 脆炸軟殼蟹🦀芥末醬吐司🍞（$98）
A先生本身唔係十分喜歡食米飯既🍚人，所以佢就選擇咗呢個脆炸軟殼蟹🦀芥末醬吐司🍞。點餐時可以選配薯條🍟或者沙律🥗，我哋就要咗香口啲既薯條🍟。
吐司🍞切開一半，入面有原隻既軟殼蟹🦀、生菜🥬同蕃茄🍅，上面加咗芥末沙律醬。份量大到唔能夠一口完整咁咬落去，唯有切開嚟食啦。軟殼蟹炸得酥脆，連埋有少少刺鼻又帶甜既既芥末醬，中和返炸物既熱氣同埋油膩感。吐司🍞都烘得外脆內軟，每咬一啖都係卡卡聲，不錯。
🔆 大麥若葉紅豆🫘爆爆珠鮮奶特調（跟餐+$18）
作為紅豆🫘控既A先生見到有呢杯特飲就二話不說揀咗，估唔到最後有驚喜喎！大麥若葉飲落似抹茶🍵咁既味道，配合紅豆🫘本身就係好夾。而呢杯特飲特別在於佢既紅豆🫘爆爆珠，佢係一粒紅豆味既爆珠，入面包住一粒紅豆🫘，所以咬落去咬爆個外皮之後先係會爆出紅豆沙咁既漿，然後會咬到粒真紅豆🫘。一粒爆珠有兩種口感，重要係紅豆味既，真係有驚喜！
🔆 綜合水果紅茶（跟餐+$24）
橙🍊汁底既綜合水果紅茶入面都好足料，有大量既橙🍊肉、火龍果肉、藍莓🫐、檸檬🍋、青檸同埋士多啤梨🍓，仲有一粒話梅吊一吊味。飲落酸酸甜甜咁，開胃又消膩。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整體食評：❤❤❤❤❤(5/5)
❤🙆♀️(為食妙妙)整體食評：❤❤❤❤❤(5/5)
👉🏻 整體性價比好高既一間餐廳，食物質素好又唔貴，難怪成日都一大班人喺門口等位
A先生車友指數 🚗
🛣️ 交通容易指數：🚗🚗🚗🚗(4/5)
🅿️ 泊車容易指數：🚗🚗🚗🚗(4/5)
👉🏻 餐廳附近有幾個錶位場🅿️，錶位數量都唔少，等一陣通常都好快有位
👉🏻 就算唔揸車🚗，搭港鐵由大埔墟站行過嚟都係10分鐘左右；出面廣福道有大量巴士、小巴去全港各區
🔆🔆🔆🔆🔆🔆🔆🔆🔆🔆🔆🔆🔆
張貼
