OX Steak Lounge

營業中

休息中

最近選擇了位於大埔的OX Steak Lounge來慶祝，呢間餐廳英倫風格好有情調，加上菜品性價比高，真係好期待！我哋點咗兩個前菜：煙三文魚沙律配蜜糖芥末醬同埋自家製生牛肉他他。煙三文魚沙律嘅蜜糖芥末醬酸酸甜甜，食完好開胃；而自家製生牛肉他他， 牛肉新鮮嫩滑， 而且用咗洋蔥同埋少少辣椒粉做配搭層次更加豐富~龍蝦濃湯，湯濃稠得啱啱好，飲落去有濃濃嘅龍蝦味，真係好好味！仲有牛肝菌野菌忌廉湯， 每一啖都好足料好有牛肝菌味道~餐廳嘅招牌自家製牛骨髓牛油包都唔可以唔試，麵包鬆軟，搭配牛骨髓嘅牛油嘅，好特別！主菜我哋選咗黑松露鵝肝威靈頓牛柳（8 oz），外層酥皮酥脆，裡面嘅鵝肝同牛柳層次分明，牛柳夠嫩滑，仲帶有濃濃嘅鵝油香，好食！仲有一份香煎澳洲PR級草飼肉眼五成熟， 五成熟恰到好處，調味啱啱好比利時朱古力心太軟，外面微脆，裡面流心嘅朱古力甜度啱啱好，搭配士多啤梨醬食落又唔會太甜OX Steak Lounge嘅用餐體驗好開心。服務員態度超好，環境浪漫，非常適合慶祝特別日子。