影片
更多
2016-07-10
523 瀏覽
其實係大埔，真係無幾多間日本菜既選擇。呢間K Square 3 Grill & Bar都開左一段時間，今日難得同細佬都得閒，就帶佢去試新野。呢到既海鮮係當日新鮮由魚市場直送，有福岡、築地等地，保證身在香港都食到鮮味十足既日本魚。而且佢地既魚類刺身都分左好多唔同程類，有油份重既、實肉、冧肉，可以滿足到唔同客人既口味。你可以係bar table睇到當日有咩新鮮既魚可以做刺身，另外，如果你自己有海鮮都可以拎黎加工，多個選擇。枱同枱之間既位夠哂寬落，坐得好舒服，唔會手肘撞手肘，同埋sofa位後都有差電制俾你差電，不過唔知係唔係要自備3腳插，定係可以問舖頭借。刺身盛 (Set C) $598首先點左呢個刺身盛，一款新鮮活魚，可以自選，特別一提，如果魚款係特上魚 (即1kg以上)，要加 $300。我地點左一款叫做牛尾魚既新鮮魚。不過由於起肉需要，要等耐少少。不過黎到見到佢排得咁靚，剩係個賣相已經嬴哂，我見到上枱果陣，隔離都俾呢盤刺身吸引左目光。唔好以為佢剩係得個樣，味道都係一流架。刺身盛有牛尾魚、一板海膽、三文魚、牡丹蝦。。。牛尾魚，魚味十足，唔會因為佢係空運魚，就令魚味流失左，配埋呢個酸汁，好好
呢到既海鮮係當日新鮮由魚市場直送，有福岡、築地等地，保證身在香港都食到鮮味十足既日本魚。而且佢地既魚類刺身都分左好多唔同程類，有油份重既、實肉、冧肉，可以滿足到唔同客人既口味。
你可以係bar table睇到當日有咩新鮮既魚可以做刺身，另外，如果你自己有海鮮都可以拎黎加工，多個選擇。
枱同枱之間既位夠哂寬落，坐得好舒服，唔會手肘撞手肘，同埋sofa位後都有差電制俾你差電，不過唔知係唔係要自備3腳插，定係可以問舖頭借。
刺身盛 (Set C) $598
首先點左呢個刺身盛，一款新鮮活魚，可以自選，特別一提，如果魚款係特上魚 (即1kg以上)，要加 $300。我地點左一款叫做牛尾魚既新鮮魚。不過由於起肉需要，要等耐少少。不過黎到見到佢排得咁靚，剩係個賣相已經嬴哂，我見到上枱果陣，隔離都俾呢盤刺身吸引左目光。唔好以為佢剩係得個樣，味道都係一流架。
刺身盛有牛尾魚、一板海膽、三文魚、牡丹蝦。。。
牛尾魚，魚味十足，唔會因為佢係空運魚，就令魚味流失左，配埋呢個酸汁，好好味。同埋佢既魚肉有咬口，少少實肉既口感，唔錯。樣樣刺身都好鮮味。一板海膽，海膽一D都唔腥，入口即溶，仲有舊飯俾你一齊食。牡丹蝦好大隻好彈牙，蝦身好有膠質。
食完個刺身之後，剩返條魚既魚骨可以幫你炸，或者拎去煲湯。細佬揀左去煲湯，果然無揀錯。魚湯好鮮，好濃味，原來係將所有客人既魚都拎去煲呢個湯，所以會有唔同魚既鮮味，應該都好養顏，女人岩哂，哈哈。
豪門夜宴 (20貫) $528
另外再叫左呢個豪門夜宴，有牡丹蝦、油甘魚、三文魚腩、海瞻、帶子、白身魚等等，壽司既飯醋味唔太勁，可能唔想搶左魚既鮮味，令魚生味更加出。今日既白身魚係油甘魚，開頭只係覺得彈牙，點知食到最尾有魚油味，好特別。三文魚腩好肥美，多油，入口即融。呢到既每樣刺身 / 壽司食完都每人拇指大動，再三回味，下次一定要黎試下佢既燒物
張貼
