影片
更多
2024-08-20
295 瀏覽
想食高級英式扒房，大埔舊墟呢度都有，望落去係藍色色調為主，最特別係牆上面掛金牛裝飾，金碧輝煌，天花仲有一盞好大盞嘅吊燈，有一幅牆身亦都掛滿葡萄酒，好有英倫風🇬🇧今次入到去就食咗兩個set dinner，我都係第一次去呢間餐廳食😋Set Dinner 💰$398🔸凱撒沙律（雞）🔸牛肝菌野菌忌廉湯🔸自家製牛骨髓牛油包🔸傳統英式布袋牛柳7oz +$38Set Dinner 💰$598🔸自製生牛肉他他 🔸龍蝦濃湯 🔸自家製牛骨髓牛油包🔸黑松露鵝肝威靈頓牛柳🔸比利時朱古力心太軟首先講咗個服務係幾唔錯，除咗店員會解釋個餐牌之外，上菜嘅時候會逐樣上，見到你食完一樣就會上一樣，你慢慢食兩個鐘三個鐘都冇問題👍🏻枱嘅數量唔算好多，所以建議都係訂咗位先，兩個set dinner嘅前菜揀咗凱撒沙律同埋自製生牛肉他他，凱撒沙律可以揀雞或者牛，我揀咗雞，肉質唔韌，沙律夠新鮮，生牛肉他他面係有隻鵪鶉蛋，撈埋落去配蛋漿食幾唔錯😋兩款湯分別係牛肝菌野菌濃湯同埋🦞龍蝦濃湯，兩款湯味道都好突出，牛肝菌野菌濃湯嘅菌都打得夠融，但仍然有啲一粒粒嘅菌咬到，口感唔錯，而龍蝦濃湯第一啖已經好重龍蝦味，湯質夠稠身主菜揀咗兩個招牌，一個
Set Dinner 💰$398
🔸凱撒沙律（雞）
🔸牛肝菌野菌忌廉湯
🔸自家製牛骨髓牛油包
🔸傳統英式布袋牛柳7oz +$38
Set Dinner 💰$598
🔸自製生牛肉他他
🔸龍蝦濃湯
🔸自家製牛骨髓牛油包
🔸黑松露鵝肝威靈頓牛柳
🔸比利時朱古力心太軟
首先講咗個服務係幾唔錯，除咗店員會解釋個餐牌之外，上菜嘅時候會逐樣上，見到你食完一樣就會上一樣，你慢慢食兩個鐘三個鐘都冇問題👍🏻
枱嘅數量唔算好多，所以建議都係訂咗位先，兩個set dinner嘅前菜揀咗凱撒沙律同埋自製生牛肉他他，凱撒沙律可以揀雞或者牛，我揀咗雞，肉質唔韌，沙律夠新鮮，生牛肉他他面係有隻鵪鶉蛋，撈埋落去配蛋漿食幾唔錯😋
兩款湯分別係牛肝菌野菌濃湯同埋🦞龍蝦濃湯，兩款湯味道都好突出，牛肝菌野菌濃湯嘅菌都打得夠融，但仍然有啲一粒粒嘅菌咬到，口感唔錯，而龍蝦濃湯第一啖已經好重龍蝦味，湯質夠稠身
主菜揀咗兩個招牌，一個係黑松露鵝肝威靈頓牛柳，酥皮夠厚又脆，牛柳份量唔少又夠嫩，仲有啖啖黑松露同鵝肝嘅味，口感好豐富🤩另一個係傳統英式布袋牛柳，屬於英倫扒房必有嘅菜式，用咗三種經典食材，包括牛柳、生蠔、煙肉，三種嘅層次一啖過食晒，但三種味道分別自己都好突出
甜品揀咗心太軟，微脆得來朱古力醬極多，啖啖都係滿滿嘅朱古力味
張貼
