東京街日本料理 (西洋菜南街)

營業中

休息中

約左朋友食飯，佢話落車行過黎見到間食日本嘢嘅餐廳，幾好咁，所以就揀左呢佢食晚飯。餐廳好多人，上面仲有閣樓。餐牌選擇好多，咩都有得食。朋友發辦叫左刺身、壽司、串燒同飲品。三文魚刺身(厚切) (4件)及甜蝦刺身(4隻)：三文魚厚身之外，仲好大塊，食落勁有口感同肥美；甜蝦亦係大隻夠甜。壽司：有帶子、大赤蝦、油甘魚腩、怪獸三文魚腩同魚籽花之戀，各款壽司入口鮮甜，刺身魚帶薄薄油脂，整體質素幾好，唔錯。煙肉荔枝卷：煙肉燒到好香出油，荔枝卷夠juicy，味道好夾。燒牛舌：燒到剛剛好，帶肉汁唔韌，調味幾好，幾好食。飲品：白桃汁果汁味濃，甜甜地又幾好飲喎。