炊豕店 (威靈頓街) (已結業)

近排發現左中環開左間分店， 見放工肚餓就即刻去左食， 睇下會唔會有出入。中環店其實位於威靈頓街， 但其實係上環行過去近好多， 由上環地鐵站行過去5分鐘都唔洗就到左， 就係好出名既蓮香樓隔離炸環境方面， 餐廳外表無得輸， 好文青又夠晒簡單， 而係餐廳內就帶點復古台灣味～ 環境大左又舒服左好多。唔知係咪太耐無食， 佢一上枱個豬扒大到嚇親我， 分分鐘大過我塊面， 豬扒一如既往禁好食，大大塊不特止，仲好脆同鬆化，一d都唔硬， 粉漿係脆得黎帶d煙un , 感覺好台式， 另外， 好值得提既係佢真係新鮮熱辣，岩岩炸起， 好正～肉燥好好食撈飯一流， 係帶肥膏果款～～另外仲加左個鹵蛋， 以為無咩特別，但原來個蛋黃好有蛋香味。 另外點都要提一下係本地制造五花茶～10蚊有成支～ 出面買都唔止衣個價， 配買炸豬排感覺都健康好多～～