韓嘢 (已結業)

沿著大南街一路行，入咗呢間門口裝飾似韓屋屋頂瓦片嘅舖頭。原來係間韓國超市，仲有熟食可以買。平時食韓國菜，離不開炸雞、紫菜包飯、炒年糕等。不過驟眼望「韓嘢」menu最吸引嘅反而係漢堡包🍔-▪️挑戰者漢堡 Challenger Burger 套餐 $87｜有漢堡包、薯條、罐裝可樂、韓式醃蘿蔔青瓜（單叫漢堡包 $67）一睇個名就知份量唔惹少，口味方面可以揀款走辣/安心辣/激辣（即係唔辣、辣同加辣🤣）唔算食得勁辣，今次就揀咗安心辣。呢度只做外賣，無堂食，門口有兩張櫈仔，唔介意嘅話可以直接喺出面食。-沿路拎住份外賣都聞到個包嘅香氣。漢堡包先用包裝紙包起，再用比較硬身嘅紙盒裝住，所以拎到返去都算完整，材料無分開一忽忽。一啖咬唔晒成個包。炸雞香脆，啖啖肉。不過最出色嘅係椰菜絲，爽脆清新，加埋醬汁酸酸甜甜。安心辣只係有少少辣調味，平時食得辣嘅人，應該要揀激辣先夠過癮。「韓嘢」除咗賣嘢食之外，入面仲有唔少韓國嘢可以買，例如Mr.DoNothing精品、韓國食品等。大大份挑戰者漢堡🍔