R&B (已結業)

與好友相約星期五晚shopping後到呢間餐廳食個飯，對上一次嚟呢間餐廳係幾年前，試佢嗰杯熱朱力，印象都不錯。本身被安排坐係餐廳中間，但後來有枱客走，就改坐係一角位置，可以方便傾下計。Menu都係走美國西餐路線，在眾多選擇下，我地揀咗carbonara pie同蜜糖威士忌燒雙豚排。兩份主食分量不少，carbonara 同坊間普遍一樣用上濃濃既忌廉，熱食既時候感覺滑溜，不錯。至於蜜糖威士忌燒雙豚排有2塊，可能因為薄身關係，比較柴d，不過用上蜜糖烤，味道香口。佢亦都有配到一個類似芫荽醬，鐘意食芫荽會覺得不錯。旁邊既羽衣甘藍同炸洋蔥圈係另叫的。女仔就算幾飽都總要叫甜品，其實得2個選擇，一款係chocolate brownie 加雪糕，另一款係朱古力蛋糕，餐廳職員話蛋糕係自家制，所以就叫呢個。一上枱見到好似mud cake咁, 唔好以後個cream係好軟滑咁，我諗住用把刀cut開一半件蛋糕要好用力，非常重料！蛋糕朱古力味好濃，有d似 Cheesecake Factory d蛋糕。呢間餐廳每樣食物既份量2個人食就會過份大滿足，反而會啱三五知己一齊開心share！