越式越好味 (已結業)

本身喺深水埗想排隊買人氣蛋撻，但來遲一步已經賣晒，所以唯有買晚餐返屋企食算😗。餅舖行前幾步轉角位有間小店叫「越式越好味」，店員話外賣自取有九折優惠，加上眼見唔少人幫襯就試吓。餐廳售賣各式各樣嘅越南菜式🇻🇳，包括湯河、撈檬、炒飯同米紙卷等，菜牌望落好似幾正宗。作為半個越南人嘅老豆更食得出啲香花菜堅係地道嗰種👍。番茄蟹肉扎肉湯檬($59)，餐廳會主動將湯同粉分開上，以保持食物質素。🍅蕃茄味道唔算好濃郁，唔太甜或酸，而最緊要嘅係味道自然，唔係用茄膏開。湯底入面有鮮茄同豆卜，而蟹肉亦深藏其中🦀。貌似肉餅嘅蟹餅由蟹肉同蟹膏混合而成，食落滲透出微微鮮味，篤穿佢令湯頭變得清甜。唔好睇檬粉個兜細細，其實都塞得好滿，而且檬粉並無煮得過淋或整到碎濕濕🍜。餸料有鮮蝦、扎肉同香葉豬肉卷，後者幾特別，唔係周圍有。越式蝦醬炒飯($69)，炒飯勁大盒🍚，一個人一定食唔晒。炒飯夠乾爽，炒至粒粒分明，又唔油，而餸料亦同樣有蝦同扎肉。開初聞落覺得無乜蝦醬味，但食落有驚喜，🦐蝦醬香恰到好處，唔會太搶或令人怕怕，惹味呢。順化炸蝦餅($58)，我估計蝦餅係自家製，佢唔係吉列炸皮嗰一隻月亮蝦餅，反而係一大塊，可分成四至五件。🍤蝦