燒味本色

營業中

休息中

下午準備去做個檢查，驚做完檢測冇啖好食一於要食返餐好嘅先。時間又趕又想食得好，就即刻諗到要食燒味啦。深水埗燒味店有好多但係大部份都係外賣嘅，呢一間燒味本色睇嚟又乾淨又企理仲有好多燒鵝掛晒喺門面咁就吸引到我入去食啦。入到去一坐低就見到有個掛住生鵝嘅雪櫃似乎依度啲燒鵝應該會做得唔錯。平時都係點下啲雙拼飯嘅我怕做完檢測冇啖好食，決定鼓勵下自己！同老公各人叫咗個勁 嘅，原隻燒鵝髀乳豬飯，燒腩骨燒鵝飯。果然同平時食嘅唔同大大份過燒鵝髀好吸引呀乳豬份量亦都好多。燒腩骨竟然有兩排但係燒鵝就真係上妝 位置少啲肉啦！似乎鍾意食燒腩骨嘅應該配其他嘢會更好。佢跟餐加$7有例湯個例湯都幾吸引，係蓮藕豬骨湯，真係有幾件蓮藕同埋有件豬肉喺裏面嘅。油菜亦都唔貴$20碟大大碟 仲可以加多$7跟餐要飲品添。離開嗰陣再望多次門面發現原來佢有$28一盒雙拼外賣飯盒咁下次可以買返屋企食。