天奴豬扒餐廳 (已結業)

今日入咗元朗做野，知道元朗有唔少美食，午飯時間當然要搵下有咩好食，上網見到呢間天奴豬扒好出名。下午兩點幾去都仲好多人食，餐廳裏面差唔多爆滿，見到差唔多枱枱都叫豬扒飯，今日想食意粉，叫咗個香茅豬扒配意粉，豬扒大大塊，份量好足料，入口好淋身又夠入味，認真唔錯，最有驚喜係上面條茄子，我見網上好多人都有讚條茄子，果然好juicy好好味。全部午餐都可以選擇配飯或意粉，仲有好多唔同汁可以揀，今次試咗黑椒汁，下次可以試其他汁。