木玥巷 (已結業)

聽講呢間台灣野新開無耐，店面木系裝修，好似幾文青feel即管入去試一試。入面唔算大，但枱與枱之間保持距離，唔算迫，坐得舒服！環境唔錯，可以打吓卡落完單，飲品首先到杯「招牌水果茶」超級大杯仲好有heart將多種水果切粒，有西柚、菠蘿、檸檬、百香果…茶味濃淡適中，口感豐富，淨飲都飽飽地另外果杯「金沙抹茶奶泡」，個賣相都唔錯，但唔係我杯茶囉！😏食台灣菜，「鹽酥雞」真係每次必點架啦！呢度嘅都值得一食，雞肉大大舊，夠滑，外皮炸粉夠薄，香口仲有個柚子醬汁比你點，好夾！主食叫咗「蟹肉金絲新竹炒米粉」&「酥香排骨飯」。米粉特別在用蛋黃撈過，呈現金黃色，好靚味道就偏淡少少，有辣椒醬提供可自行調味！排骨飯舊排骨好有台灣街頭小食feel,炸得幾香脆！ 特別欣賞佢個配菜係 迷你滷水豆腐一碟，我好中意！