元祖沾麵專門店

營業中

休息中

今日約了朋友在尖沙咀行街食嘢💃一直都好想試日本嘅沾麵，於是就嚟到尖沙咀厚福街沾麵店食沾麵，一坐低我們便點了極上芝士蟹參王沾麵同濃厚豚骨叉燒拉麵🍜，個蟹王沾麵芝士多到鋪滿整個表面！再加埋蟹肉同蟹膏🦀撈埋一齊食！真係勁正而且配料都幾豐富，份量非常足夠！最後仲叫店員加入魚介湯，而個蟹蓋好多蟹羔，加上芝士一齊焗，鮮甜香味十足😋再加上追加飛魚子豪食一次，拌勻一齊食，又有濃郁既蟹羔味🦀，又有口感既飛魚子，一路食蟹羔都仲係熱嘅夠曬溫度，超正👍👍而另外點了一個濃厚豚骨叉燒拉麵，內有3片叉燒，肥瘦適中，食落一d都唔油膩仲有我至愛嘅半熟蛋，蛋黃係流心湯底係奶白色，有香濃嘅豬骨味，唔覺有味精個湯底真係好正