新錦園大排檔

營業中

休息中

阿爸最近成日話呢間餐廳好正，要去試，咁收工就同佢去食啦。一上到去，6點幾就已經坐滿曬人，人山人海，一啲都唔誇張。因為人多嘅關係，都幾嘈下，傾計都要大聲少少。好彩阿爸醒目，好快就搵到位。.一坐低就即刻嗌嘢食，因為太肚餓，3個人叫4個餸。.油浸筍殼魚都幾香口，炸得好脆，有啲骨都食到，味道唔錯，一上茶已經好快清咗。椒鹽墨魚咀，平時好少見有得食，今次一定要試下。嗯，幾有咬口，同埋無咩調味，要靠隨碟上嘅椒鹽吊味。薑蔥鵝腸煲，鵝腸食得出幾靚。小炒王係我每次到大排檔必叫，好多腰果，又有蝦乾個啲有咬口嘅嘢，味道幾好，但食耐咗佢同墨魚咀，個口有少少攰。