民豐粉麵行

營業中

休息中

經常喺社交平台見到荃灣嘅民豐粉麵行出沒，已有多年歷史，有粉麵、餃子、雲吞、湯丸出售，當然唔少得網紅糯米糍、煎餅呢類傳統食品。除左街坊幫襯，亦有不少經過網絡介紹，而專程過黎嘅人，相信都有。週日下午茶時間，人流絡繹不絕，店員見到我地，都好快問我地要啲乜。試試聞名已久嘅糯米糍，一共三款：芝麻、花生、豆沙，定價$5/粒。始終客多，見去貨都快，都冇可能話即叫即整。食呢類糯米糍，我就最怕食到好邐迆，於是買左每款兩粒，有個紙盒裝住。芝麻、花生、豆沙糯米糍 $30/6粒糯米糍面頭沾粉不少，拎上手就唔會黏，比起一般糯米糍大粒得多真係大件夾抵食，5蚊黎計，性價比很高。糯米糍最忌皮厚餡少，呢度唔厚唔薄，可接受，入口幾煙韌軟綿，粉感唔重。花生同芝麻值得試，同所有人意見一樣，餡係多到瀉出黎，花生餡最澎湃足料，芝麻味幾香不過兩款都係，糖度較高。至於豆沙餡就唔係我杯茶，口感糊黏，而且頗甜，有少少受不了。寧願食多兩粒花生、芝麻。