青山灣海鮮小廚 (已結業)

今日趁好天，約埋班朋友帶完狗狗游水，諗住擇日不如撞日，齊人去食海鮮，見呢間有同事推介過，就即管試下⋯點知就瀨野嘞！歡天喜地去買左七種海鮮，整八樣餸!點知等足一個鐘都未上菜不特止，仲要勁難食，嘥曬啲咁正嘅材料！首先炒班球就一般，炆班頭腩就係咁宜炸就算，冇味嘅〜豉油皇大蝦又係冇味嘅，連蒸鮑魚啲豉油都係冇味嘅，使唔使咁健康呀？蒜茸粉絲蒸大蟶子：棚牙唔係真嘅實哽死，又老又硬！酥炸生蠔就油淋淋，又硬又冇味！辣酒煮花螺就只得個辣字，乜味都冇！最尾碟盬焗蟹就係全晚唯一令我覺得有食海鮮嘅感覺，真係好冇癮！！總之絕對冇下一次！令到班朋友咁失望，好唔開心！都唔明點解咁嘅質素都全場爆滿！