青山灣海鮮小廚 (已結業)

今日五人行嚟到屯門三聖邨依間青山灣海鮮小廚幫襯。一嚟到見到擺滿哂位，全個樓上area都係，就知生意應該唔錯。我哋好早嚟到，所以仲未多人。果到有電視，枱又夠大張，有大風扇所以都唔算話好熱，已經好過唔少大排檔。可能因為間嘢夠大，通風、又近近哋海，所以都ok嘅！我哋叫嘢食先知如果要食海鮮，要自己買再攞過嚟煮。我哋行咗幾廿步路，就到海鮮檔，海鮮檔都有唔少間，差唔多想食咩海鮮都會喺到買到。最後我哋買咗瀨尿蝦、硯。去到俾果間嘢煮，佢會問你想點煮，我哋話想鼔椒炒硯同椒鹽瀨尿蝦。另外，我哋叫咗個金銀蛋莧菜、椒鹽八肚魚、胡椒豬肚湯、燒鴨。燒鴨要八點先有，可能果個時候先燒掛。等咗唔係好耐，菜、湯、八肚魚就嚟。個菜好好味，煮得好嫰，好快就俾我哋''清''咗！推介！個湯都唔錯，好香胡椒味，但飲多幾啖，我就覺得胡椒味又過重！八肚魚相比起就較一般，我嚴佢炸粉好似多咗啲，食多幾舊就要停口。但個魚其實都ok嘅，唔腥最緊要！食得七七八八，個硯同瀨尿蝦都嚟到。佢哋賣相好好，一睇就知好入味！個硯有時會食到啲殼嘅碎，但唔係大問題，因為真係幾好食，炒得好香好有鼔椒味！個瀨尿蝦佢幫我哋分左幾份，椒鹽味好重，好惹味！蝦可能買得好，

一班同事食晚飯,專程到這裡食海鮮旺角收工後差不多一個鐘先到去到立即開支酒，食物未來佢地幾乎已經飲哂成樽都吾記得成晚飲咗幾多,講番食物六個人都買咗好多海鮮豉油皇大蝦好大隻淡淡肉又有膏薑葱炒蟹 感覺唔到有獲氣,食唔到有薑葱味 蟹膏蟹肉不算多, 剩係食到鹹味大東星兩食分別是起肉用西芹炒球啖啖肉鮮味其中一味就是火腩炆頭腩，油左d個人不太喜歡油鹽水蜆普通SIZE,肉就一般啦有D有沙,有D辣龍蝦本身夠鮮味和爽口,唯一缺點係個汁好淡椒鹽鮮魷香脆熱辣又野味灼西生菜好大碟普普通通其他都無乜特別好食和一般酒家差不多因為朋友喜歡先陪佢地來真係唔使突登來啦

和同事一行6人特意來三聖食海鮮，三聖海鮮我只嘗過這間，覺得不錯，便向他們推介，2個同事先買海鮮，其餘後到，所以我一坐下便可上菜，聽他們說，海鮮檔主也向他們推介這餐廳。一開始先上辣酒煮花螺，賣相當吸引，味道不會過辣，花螺也很鮮甜，不吃辣的同事也覺不錯。椒鹽瀨尿蝦 每隻都長過手掌，啖啖肉，再加少少乾蒜，十分滿足。小炒王，有九菜，蝦米，腰果炒成一碟, 爽脆惹味， 伴飯一流 。上湯琵琶蝦 琵琶蝦的肉質比龍蝦更爽口彈牙，價錢也相對便宜，同樣啖啖肉，再配上像伊麵，成為一絕焗蠔 不知是否砵酒焗的，因為嘗不到酒味，做法是先走油再加調味焗，每隻蠔都有拳頭那樣大，吃一隻已相當飽肚，個人覺味道不錯，但同事則認為味道有點失望，各人口味，見仁見智。粉絲蒸扇貝體型也是相當大，殻比碟還要大，粉絲吸收了扇貝的鮮味，加上蒜蓉調味，正！ 因每碟份量也很多，最後還需打包。海鮮加加工費，每人約四百元，下次可以買少一點海鮮，不用飽得肚皮破裂，價錢也可以便宜一點。

12 個人，2000 蚊海鮮，千零蚊油料錢，每人280，又有海景，服務都ok，夫復何求？開頭見到咁低分都驚驚地，但食落又無乜野喎，好過西貢嗰啲好多！最緊要啲料新鮮，難食極都有個譜。瀬尿蝦，炒蟹都夠惹味。蒸魚，蟶子，鮑魚仔都蒸得唔錯，係個辣酒花螺唔係好夠味。炸蠔好大隻，但火候剛好啲肉重好滑，不過太大隻好飽滯。椒鹽鮮魷啲肉剛好唔靭，其他餸菜都ok。食海鮮大餐又想食得經濟啲，呢度都係一個幾好選擇。

今天慕名而來﹐但發現原來新鮮都可以死得好無價值！由入坐到第一道菜上枱﹐等了一個鐘！第一道：海班炒球﹐無味，似用開水焯熟一樣﹐無味！第二道：鼓油皇大𧎚﹐淡而無味﹐好彩似可以食到鮮味第三道：清蒸鮑魚﹐老到阿媽都唔認得！4th：炆頭腩﹐變左炸！原全無炆過5th：蒜蓉粉絲蒸聖子﹐again老到阿媽都唔認得﹐似柴皮！6th：辡酒煮花螺﹐得過辡字！7th：蘇炸生蠔﹐炸醬厚個我D腳枕8th：鹽焗羔蟹﹐終於都似返是食緊海鮮今天真是是覺得D海鮮死得好無價值﹐都學會一件事﹐海鮮都可以“被” 煮到毫無鮮味﹐但買的時候仍然是生猛、游水！海鮮自已買﹐加工成～＄800， 加埋酒水﹐＄～900。

今日趁好天，約埋班朋友帶完狗狗游水，諗住擇日不如撞日，齊人去食海鮮，見呢間有同事推介過，就即管試下⋯點知就瀨野嘞！歡天喜地去買左七種海鮮，整八樣餸!點知等足一個鐘都未上菜不特止，仲要勁難食，嘥曬啲咁正嘅材料！首先炒班球就一般，炆班頭腩就係咁宜炸就算，冇味嘅〜豉油皇大蝦又係冇味嘅，連蒸鮑魚啲豉油都係冇味嘅，使唔使咁健康呀？蒜茸粉絲蒸大蟶子：棚牙唔係真嘅實哽死，又老又硬！酥炸生蠔就油淋淋，又硬又冇味！辣酒煮花螺就只得個辣字，乜味都冇！最尾碟盬焗蟹就係全晚唯一令我覺得有食海鮮嘅感覺，真係好冇癮！！總之絕對冇下一次！令到班朋友咁失望，好唔開心！都唔明點解咁嘅質素都全場爆滿！

那裡的風景Good有海景!!環境一流!!而且只需要在附近的海鮮檔買海鮮就可以即刻拿去店煮!!!路程短保證海鮮非常新鮮食物味道好而且店主不會偷龍轉鳳!!買多少隻就真的有多少隻數量不會少了!!!

好奈都冇去過三聖食海鮮, 難得今晚成班朋友都得閒, 便決定出來聚一聚.本來想book海天, 都係今晚有婚宴, 冇哂位, 有朋友話某某電視節目介紹過呢度喎, 咁就膽粗粗去試下.價錢相宜 (我地買左二千幾三千蚊海鮮), 油料費都係千零蚊到, 但係除左平之外, 真的是一無是處:1. 椒鹽瀨尿蝦: 剩係得個殼有D咸味, D肉又淋又冇味○ 我地懷疑佢為左慳時間, 係先用水烚到半熟先再炒2. 豉椒炒聖子: 想點呀大佬, 未試個連冇牙佬都可以食到o既炒聖子囉.....3. 薑蔥墨魚: 冇啦啦整個生粉涀攪到個墨魚D口感怪怪的.....其他的海鮮也不是十分好呢, 反而佢個南乳骨幾ok最可惜的是浪費了整整三千蚊海鮮 (同食左既膽固醇), 好嬲呀!!! 提議其他朋友如果真的到這裡, 不如弄得太花巧, 只是清蒸白烚還可以

我們一早已 BOOK 了位,所以不用等呢.....我們去左忠仔記買海鮮,之後就在這加工啦 !煮功費都不是很貴 !我們還叫了三款小棻 :百合腰果...用黎配酒食既 !椒鹽鮮魷好惹味 !棻膽雞半隻, 真係有雞味架啊! 正 !之後試下佢地既煮功啦 ! 味道不錯啊 !(只放小小海鮮相)陳皮鮑魚仔 豉椒炒聖子個汁好得 !其實呢間都好出名煮功好..又唔貴!我星期日當晚眼見都 FULL 哂,仲有人等位!但唔知點解無人寫過食評架啊 !好啦 !就由我第一個寫啦 !希望日後會有更多人分享 !