2012-05-04
31 瀏覽
Honey今晚唔得閒, 我又唔想返屋企食飯, 一個人走咗去樂富, 仲好期待晚餐食丼丼屋, 因為開店之初嚟食過幾次都唔錯, 小食仲幾多選擇同好味添, 所以至會用期待嘅字眼...7點幾鐘, 上去舊商店街買完要買的東西後, 見到元氣已經爆晒, 好多人等, 咁我都急急腳去丼丼屋, 驚人多要等, 點知唔滿仲坐唔到一半人, (但今晚已經係星期尾 - Thursday 啦, 咁水靜河飛??), 都好, 順利入坐, 招呼唔錯, 服務員有禮亦醒目, 可惜......食物水準大跌, 真係估佢唔到! 我叫咗滑蛋雞肉丼HK$48, 加一碟燒雞泡魚乾HK$28 (Honey睇到呢度唔好又'哦'我為食呀.....), 之前食滑蛋豬柳丼, 亦試過咖哩豬柳飯都唔錯, 但今次嘅雞肉丼好唔掂, 上枱嘅時候賣相仲好靚添, 飯同滑蛋汁都無問題, 之不過淨係雞肉一樣嘢就已經扣晒所有分, 因為好勁的一陣解凍做得唔好的怪味,食多件又係咁, 唔駛講啦, 勁cheap冷凍肉加上師傅功力唔夠啩, 我後尾都係食晒啲飯算. 隔一陣嚟埋個燒雞泡魚乾就真係逼使我呢啲懶人寫食評 (因為我通常都係覺得好好味/或好差, 又或者服務好好
7點幾鐘, 上去舊商店街買完要買的東西後, 見到元氣已經爆晒, 好多人等, 咁我都急急腳去丼丼屋, 驚人多要等, 點知唔滿仲坐唔到一半人, (但今晚已經係星期尾 - Thursday 啦, 咁水靜河飛??), 都好, 順利入坐, 招呼唔錯, 服務員有禮亦醒目, 可惜......食物水準大跌, 真係估佢唔到!
我叫咗滑蛋雞肉丼HK$48, 加一碟燒雞泡魚乾HK$28 (Honey睇到呢度唔好又'哦'我為食呀.....), 之前食滑蛋豬柳丼, 亦試過咖哩豬柳飯都唔錯, 但今次嘅雞肉丼好唔掂, 上枱嘅時候賣相仲好靚添, 飯同滑蛋汁都無問題, 之不過淨係雞肉一樣嘢就已經扣晒所有分, 因為好勁的一陣解凍做得唔好的怪味,食多件又係咁, 唔駛講啦, 勁cheap冷凍肉加上師傅功力唔夠啩, 我後尾都係食晒啲飯算.
隔一陣嚟埋個燒雞泡魚乾就真係逼使我呢啲懶人寫食評 (因為我通常都係覺得好好味/或好差, 又或者服務好好/或超級唔掂, 至推動到我想寫食評, OK/普通的/只代表到此一遊的就比較懶得動手) . 魚乾賣相又係無問題, 但食咗3幾條都唔掂, 已經打算寫食評所以補番張相先. 其實之前同Honey嚟食時, 叫咗幾款小食都唔錯, 唯獨是呢碟係最差, 好乾, 我今日自己嚟都再叫, 係因我為食, 想一碗飯之餘加個小食, 咁唔通叫南瓜薯餅咩, 實食唔晒啦, 咪諗俾多次機會呢味小食囉, 點知比上次仲乾同差, 乾到硬掘掘, 硬到....第二度都好難食到, 唔通係呢間店的特色? 真係唔掂, 算我唔識欣賞~~~....唔信可以自己試試.
其實佢位置咁方便, 裝修又舒服, 我本來係幾鍾意呢間鋪因為至少佢枱/櫈都幾濶落, 枱面可以放袋唔駛放膝頭捧住食飯, 店員招呼又唔差, 如果你唔心多order小食, 淨食碗飯都係幾十蚊有交易, 呢類店舖應該幾受歡迎, (起碼唔會好似某啲茶記咁, 啲枱改細到坐都唔舒服, 最新指標係九龍城街市條街有間新開的燒味茶餐廳, 明明係一人枱, 硬放頭尾兩張櫈, 二人枱就充當四人枱, 真係只能嘆句....吋金尺土. 好多店地下又濕pat-pat, 調味樽同牙簽桶污穢不堪咁...攞茶記同丼丼屋比, 係因為茶記晚餐都要幾十蚊落樓) anyway, 今次食完都好失望, 希望店長檢討吓無客的原因, 如果你話閒日唔滿唔出奇, 咁我相信食物都有影響, 起碼你好難再叫我返嚟'再試'...
俾'喊面'係食物好差, 將環境/服務等等的分數扣晒, 唔好意思~
查看之前的留言 ()
張貼