影片
更多
2013-08-09
15 瀏覽
小妹上完韓文堂相約衛斯里係屯門等逛下新開既V City，順便去食埋晏V City 同各大Shopping Mall一樣臨林住好多連鎖零售店時裝、化妝品、珠寶、鞋履、食肆一應俱全鑑於V City新開幕，踏足商場既人流都唔少每行一步基本上都會撞到人唔係咁啱喜歡寧靜既小妹喇去到食肆個一層，小妹同衛斯里二人就快速咁睇下有咩食見到Izumi Curry，就即刻去攞飛等位話說依間店係小妹想試既其中一間店難得佢進駐屯門，當然要會一會佢啦！攞左飛見要等十張枱，就逛下附近視察下商場環境逛完一陣先返去等位，等左大約四個字就到我地嚕．．點知，個時衛斯里先發現佢手上既號碼飛．．唔 見 左！無錯！係唔見左！即係我地等個半個鐘係 白 等！（原來佢個傻佬係掉垃圾個時一拼掉左．．好手尾得佢．．）小妹真係好想試下依間咖喱，所以即使白等左都照攞飛再等過．．一望張飛，仲有十一張枱好！今次我攞實張飛，乖乖咁企係門口 等！人流實在太多，係門外等位既時侯都不斷被人左穿右插或者撞撞撞好似玩緊碰碰車咁……好想快ｄ食完晏逃離依個多人得過份既商場係等位既期間，小妹同衛斯里已經刨熟個餐牌諗定叫咩食咩，仲問下門口既妹妹侍應個招牌漢堡扒係豬定
逛下新開既V City，順便去食埋晏
V City 同各大Shopping Mall一樣
臨林住好多連鎖零售店
時裝、化妝品、珠寶、鞋履、食肆一應俱全
鑑於V City新開幕，踏足商場既人流都唔少
每行一步基本上都會撞到人
唔係咁啱喜歡寧靜既小妹喇
去到食肆個一層，小妹同衛斯里二人就快速咁睇下有咩食
見到Izumi Curry，就即刻去攞飛等位
話說依間店係小妹想試既其中一間店
難得佢進駐屯門，當然要會一會佢啦！
攞左飛見要等十張枱，就逛下附近
視察下商場環境
逛完一陣先返去等位，等左大約四個字就到我地嚕．．
點知，個時衛斯里先發現佢手上既號碼飛．．唔 見 左！
無錯！係唔見左！
即係我地等個半個鐘係 白 等！
（原來佢個傻佬係掉垃圾個時一拼掉左．．好手尾得佢．．）
小妹真係好想試下依間咖喱，所以即使白等左
都照攞飛再等過．．
一望張飛，仲有十一張枱
好！今次我攞實張飛，乖乖咁企係門口 等！
人流實在太多，係門外等位既時侯都不斷被人左穿右插或者撞撞撞
好似玩緊碰碰車咁……
好想快ｄ食完晏逃離依個多人得過份既商場
係等位既期間，小妹同衛斯里已經刨熟個餐牌
諗定叫咩食咩，仲問下門口既妹妹侍應個招牌漢堡扒係豬定牛
侍應妹妹答我係豬，但係因為小妹唔食牛
而且漢堡扒大多數都係牛，所以都Double Confirm左次
原來真係牛黎既
半個鐘又已經過去啦，終於終於！嗌到我地啦！
侍應安排我地入座
餐廳環境以木為主，好有大自然既感覺
而且枱與枱之間都有一段距離
唔會令人覺得有焗促既感覺
兩個人被安排坐一張四人正方枱
坐底左之後就點菜嚕
兩個人本想叫一個烏冬同一客雞蛋沙律可惜，侍應道：「所有麵類、沙律同小食都無供應」
即係話只有咖喱飯．．．
好吧，唯有再努力睇餐牌揀過啦
再點菜
小妹：「麻煩一份咖喱奄列飯同一份芝士漢堡扒咖喱飯」
侍應：「唔好意思，咖喱奄列飯賣晒。」
天啊！點解小妹今日要乜無乜架
依一刻，真係想拎袋走人
哎，但係小妹真係好想試依間食店呀
所以又低頭究竟食乜好
左諗右揀，揀左燒雞扒咖喱飯
十分鐘到小妹既雞扒咖喱飯就黎嚕
咖喱味帶酸，有丁點兒甜，辣味唔突出但係食多幾啖辣味就會一湧而上
飯量少，女生可能足夠
但男生應該要加碼先會飽吧？
雞扒有四塊，大概係一塊雞扒切四份
說真的，八十元這個飯，不值
味道係唔錯，但依個價錢依個份量，我絕不推介
小妹食完個飯，早我落單既衛斯里既飯先黎
芝士漢堡扒咖喱飯賣相極之吸引
半溶既芝士鋪係吋半厚既漢堡扒上
餓壞既衛斯里已經急不及待食啦
咖喱同我食既同出一撤
而漢堡扒聽衛斯里所言味道普通，只係肉丸加大版
不過配上芝士同開胃既咖喱就將味道升華左
一百一十元既咖喱飯可謂試過就算
最後埋單二百二十，午餐黎講仲要係屯門，真係貴啵！
張貼
