Izumi Curry (已結業)

　　呢間鋪頭成日會搞5同主題，咁朋友中2薯仔先生就同佢入去試，好彩無咩胃口，就無嗌2份，只嗌左一份套餐。　　數片沙律菜，加上有紫菜，火腿之型型既黃色飯，旁邊配上咖哩同滑蛋就賣80以上既價格，甚有不值。 　　如在其他店鋪中的飯，至少有一點溫熱之感，而碟上的飯，只是微溫，咖哩汁亦香味不足，打著咖哩店的名號，卻沒有咖哩應有的神韻，本人對於店的前景甚憂。　　希望店家不要只換湯（主題造型）不換藥，希望在下次光顧時會有一個眼見的進步。

見到呢間鋪頭專門食咖喱，都幾吸引，於是就入去試吓，價錢並不便宜，叫咗一個炸豬扒咖喱，豬扒都很大嚿很厚，但味道一般，比較硬，也不是很香。漢堡扒咖喱，漢堡扒也不是特別好吃，就是一般…兩碟飯嘅咖喱都係比較偏苦，香味一般，真係失望。

唔太肚餓既情況下竟然叫左甘大份量既咖哩飯。炸豬排咖哩飯加蛋- 蛋整得幾靚，份量多，蛋幾滑，淡淡地配合返成碟濃口味既咖哩同炸豬排。 豬排-炸得幾脆同黃金，唔會炸得過火而變得硬同乾。但唔夠juicy，份量好大，絕對岩男生獨食。咖哩汁好多，有圖有證據，汁微辣惹味帶點甜，撈飯一流。

第一次去v city, 晚飯時間好多餐廳都要等位，但呢間反而唔使，咪入去嚕，都坐得舒服丫，又唔嘈。叫左個咖哩漢堡排飯，超多汁，滿晒成隻碟、飯都已經淋左汁，所以一定唔會出現唔夠汁、啖口情況。 汁味濃，唔辣，甜多過辣，幾岩我。漢堡排唔大，牛味唔會話好濃因為可能咖哩味蓋過左，但厚實，足料唔會一夾散開，食到一半塊排都已經飽。

呢間全間店都有好得意既b duck，無論牆紙，枱，menu，都充滿b duck，每張枱仲會有b duck公仔同咕𠱸比食客影相添叫左兩個咖哩，原本預左會得個樣唔好食，點知個炸豬排咖哩同炸蝦炸魚咖哩又幾好食，啲飯砌左鴨鴨公仔樣，咖哩唔會太辣又甜甜地，吉列豬扒炸得好脆，炸魚質地好實，唯一缺點係啲菜完全無味又凍最後甜品叫左窩夫，個窩夫係即整出到，但個質地好似餅乾，又食到好多糖，唔係太好食

想嚟試一段時間，過咗新屎坑時段，嚟到唔駛等，帶位小姐叫我哋隨便揀位坐。一天一地都係鴨鴨，差不多每枱都有隻鴨公仔，不過都開始有D污跡。晚飯時間(約八點多)居然得三兩台客，心諗會唔會伏哩～一打開餐牌就知道原因，見到稍為晶緻嘅飯餐都要過百元，少過100蚊直頭係單食，又唔包甜品同前菜，感覺唔太化算。平日真係未必會嚟食。跟餐半價轉嘅芒果沙冰，上面鴨仔係白朱古力，整杯味道普普通通白汁味道很易入口，因為似罐頭湯味因為有多幾樣餸，抵好多，味道都好，漢堡扒有自家製感覺，鬆軟而重牛肉味，炸魚炸蝦外脆內嫩，屬質素高炸物~有讀過marketing都知price,place好緊要，記得係同一個商場食個有質素拉麵都只係八九十，而哩到就已經要收百二，難怪晚飯時段都只得三幾台客，有少少令人擔心。想埋單時發現唔見晒D樓面侍應，冇得揀見到個水吧就同佢示意埋單，佢伸出個頭左望望右望望然後又繼續低頭抹嘢，哩個服務絕對扣分總結: 可能商標緣故，令佢定價偏貴，平心而論，食品質素係好嘅，味道亦足以綁住客人

一心諗住同老婆試下b-duck 主題既咖喱，點知去到叫完之後蛋包飯等左七個字既，牛肉烏冬等左八個字，109蚊既蛋包飯啲飯珍珠係好，但係有飯焦，其餘啲飯好似爛飯咁，得舊忌廉薯好食啲，牛肉烏冬啲牛肉好似食緊香口膠，我絕對唔會黎呢度食第二次

上網見到轉左b duck主題，幾個朋友就相約到此聚一聚舊，因為有個係前b duck迷。去之前我都已經上openrice睇下d comment, 大概都心有數，但求安安全全，揀個冇咁伏嘅食下算，主力都係食環境食賣相。既然佢本身係做日式咖哩嘅餐廳，咁安全起見，揀返咖哩應該穩陣d嘅……由落單到食物黎，保守估計等左至少2-3個字...速度平心而論都真係幾慢下等緊期間好快就上左飲品，我點嘅係蘋果汁，好普通平時飲紙包嗰d，仲要唔凍...B Duck主題 理所當然係B Duck杯，主題cafe有得買，加48蚊就有一隻，巧qq野食價錢都唔平，普遍都係100蚊以上，份量都唔係多，只係一個飯加杯野飲。基於去之前上網做過research，B3一致劣評，而咖哩嗰d有d好評，我就揀左呢個傳說中嘅咖哩牛肉飯，貪佢咁多咖哩汁，應該安全，只係賣相上冇其他咁好睇，咪當b duck去左非洲旅行啱啱返黎囉食落口...果然冇期望就冇失望，特別甜嘅日式咖哩，一d都唔辣，而咖哩味都同樣地少..d飯睇落深色，但其實都係好淡，冇乜味，同埋都好軟身又濕身，不過正常嘅，唔係咁佢點樣整到一隻嘅靚嘅鴨型出黎丫所以我幾時話，食物係藝術品黎

第一個感覺呢間店真係好適合小朋友去，成間店差唔多每一個角落都可以影相咁滯。至於味道我想俾笑臉同OK之間的，但因冇呢個選擇，再加上鴨鴨真係可愛，所以都係俾笑臉啦～ 入正題！今次係兩個大人加一個小朋友去，小朋友一個人食唔到一個餐，所以我地都只係叫左兩個餐，三個人食白汁海鮮飯呢個十分啱小朋友食，白汁有濃濃忌廉味，印象最深刻嘅係白汁內有蝦！雖然啲蝦食唔出有鮮味，但真係爽嘅。但啲心形紅蘿葡就似乎放過夜咁，收乾晒水。而主角立體造形嘅鴨仔 小妹有問過職員，鴨仔嘅黃色係黎自『薑黃粉』，薑黃粉係咖哩主要成份之一，味道係辣同帶苦，但鴨仔飯冇呢個問題，本人估計可能係因為要就住啲飯嘅顏色同大黃鴨相近，所以薑黃粉係就住就住黎落的。亦都因為呢個原因，所以本人認為呢個飯 好適合小朋友食。但係呢，立體鴨都有佢嘅弊處，鴨仔係由兩邊模造成，而上檯時，鴨仔已裂開，而影靚相就要就就啲位吉列豬扒配太陽蛋咖哩飯比起白汁海鮮飯，小妹更愛呢個咖哩飯，就咁睇個咖哩汁會以為佢係日式咖哩，但眾所周知，偏甜嘅日式咖哩唔似印度咖哩咁有辛辣味，而眼前呢個咖哩就好似將兩者溶合喺一齊咁，初嚐啲汁無論係樣定味道都係偏似日式咖哩，但之後就有少少辣辣地走

這間咖哩店在Vcity初初開張時候曾經去過幾次,因為它的價錢唔平,之後少去了，這間近2年玩主題形式，上次是薯頭先生，不過,我並不愛薯頭加上太多人排隊，就冇去光顧 ，4月開始換上黃色鴨仔，我一向對玩主題餐廳不會抱太大期望，今次試下黃色咖哩，呢間的咖哩一向不辣 .它用日本咖哩而做,今次吃了白汁海鮮飯(108元),連埋加132,的確價錢唔平 ,白汁味道甜甜地都OK，我偏愛日本咖哩，認識我的朋友知道我不愛吃辣，我連吃咖哩都揀日本咖哩，我貪日本咖哩唔辣仲會甜甜地，當白汁海鮮飯來到我的面前，賣相的確好靚,個飯整了鴨仔造型，味道就一般,咖哩冇味呀，連甜味都冇 ,白汁有些小咸,海鮮份量偏少,而且，個杯橙汁好酸,酸到不覺自己飲橙汁,味道整體真的一般 ，服務亦麻麻,明明間店客人不多,想叫店員埋單或寫野,店員叫極冇反應，價錢亦不是平,應該冇下次味道白汁海鮮飯，海鮮份量真的少，個汁亦有些小咸,個飯的咖哩汁冇味道，我覺得不是太好味,勝在賣相吸引橙汁 ，味道好酘服務我覺得這裡麻麻,店員好似冇反應環境身在充滿公仔環境，感覺幾好價錢132元 ，真的不平 ，亦冇下次

真係好靚，好得意。而且睇得出好用心整啊，半年之前主題係薯蛋頭先生，果時已經好鍾意呢間餐廳，因為食物既造型真係好吸引，好適合女孩子影相。唔好話小朋友比B duck吸引左，連我地大人都好興奮嫁。不過最可惜既係美味仍有好大既改善空間係服務態樣方面職員都好有禮，好有耐性去聽我地既需求，所以同朋友約定左每轉一個主題，我地至少去一次

作為b duck fans, 知道b duck cafe 開咗， 快快趣拖埋男朋友朝聖先。B1餐 吉列豬扒煎蛋飯: ok - 賣相自不然滿分ga la, 吉列豬扒都脆口，咖喱偏辣。唯一係伴碟嘅蘿蔔整好好耐，乾哂水， 好恐怖。B2 漢堡魚柳蝦餐 : 一般 - 賣相都一樣滿分， 男朋友話漢堡扒幾好味。我就覺得幾鞋口同有根。魚柳無味， 蝦還好。蘋果汁同橙汁: 味道一般， 淨係睇個杯都夠啦環境: 餐廳入面充滿哂b duck嘅product, 由佈置， 餐牌都滿足哂fans, 仲有好多cushion, 公仔擺係度比大家拎黎攬+影相。無得輸！！！ 但因為有好多小朋友，所以會有d嘈吵。服務： ok

Izumi curry好多地方都有，今次夜晚黎食。揀左漢堡咖哩with芝士！咖喱唔太特別，不過漢堡同芝士就係精粹！首先個漢堡唔係超市買果種，係好用肉味有質感既！芝士亦唔係求其芝士粒或者芝士醬。厚厚既芝士放係熱辣辣既漢堡上面，真係好正！！一定要試

星期五晚飯時間，屯門VCity真難等位，原先想食和民，但一行6人，等了半小時大檯只叫了一個號碼，還有4個才輪到，大家都很肚餓，唯有轉場到Izumi Curry, 只因不用等位。之前跟老公吃過味道不錯,如今再來已改頭換面，以Toy Story的薯仔頭夫婦做主題。門口設有賣相關精品的counter.席上大多是父母帶同小朋友，或是女生們前來拍照。幸好同行都有小朋友。牆上掛滿薯仔頭的畫，燈罩也換上薯仔頭圖案，餐墊餐具也是其薯仔頭，每檯更有薯仔頭夫婦公仔陪坐，不止小朋友興奮，就連大朋友都很開心。正常菜單只有幾項選擇，以薯仔頭造型的款式就有很多吉列雞扒咖哩飯 $75雞扒很厚身份量很多，肉質頗為腍軟，但食落沒什麼味道，似沒有腌過，也沒有雪藏味。咖哩汁彌補味道上的不足。吉列雞扒表面炸得有點過火，有點乾。雖然咬落鬆化，但香口程度稍微遜色牛肉配牛肉薯餅咖哩飯 $79牛肉粒很大粒但很腍身，而且很入味，好吃。反而炸牛肉薯餅炸到有點乾身，跟吉列雞扒表面一樣乾。但入面的餡料就很creamy 好味。自家製芝士漢堡扒咖哩飯 $99芝士份量很多鋪滿整個漢堡扒面，溶化程度可以拉出芝士絲來。漢堡扒都很厚身，有少許肉汁。咖哩

利申: 本人並不是薯蛋頭FANS. 以為此店有正常日式CURRY食, 所以先來. 點知...完全中伏.首先, 晚上7:45分開始排, 喺門口等了45分鐘, 到8:30終於入座了.一打開MENU, OH....NO....只得薯蛋頭系列的幾款套餐. 既然等左咁耐, 都要醫肚.看勻了MENU, 點了三款看似較飽肚的套餐. 我本人有孕在身, 所以吃熱食是必然的.1.  自家製芝士牛肉薯餅飯配咖喱汁 ($129)賣相...確係幾趣緻. 食落去呢....紫菜是淋的夾腥的, 咖喱汁是涷的....2.  吉列豬扒飯配日式燒汁 + $10多加了奄列(美其名是奄列, 其實只是炒滑蛋而已) (共$139)賣相...又係好得意, 食落去呢...紫菜都係淋夾腥, 個飯係凍的, 日式燒汁是有陣羶味的(我自問係食得羊肉唔怕羶, 但都食到個汁有羶味, 應該係因為凍了....)3.  奄列牛肉咖喱飯配咖喱汁 $10多加了奄列 ($109)跟以上兩款有一樣的通病, 飯是凍, 汁是凍, 紫菜又是淋的.3個餐都跟餐湯及汽水一罐唔知點解個餐湯會上得比飯更遲. 汽水更是三催四請先上枱. 比湯及飯更遲.個粟米忌廉湯呢.....只