小魚兒 (寶漢大廈) (已結業)

平時食開銅鑼灣嗰間，今日出開尖沙咀，冇諗過唔同分店會爭咁遠。食物同湯底款式少好多，已經好失望。叫咗一個肥牛米線，諗住冇伏。點知啲牛好un，食到成棚牙都係筋，湯底同一般嘅米線鋪都比較一般，唔算話特別好食。朋友叫口水雞飯，雞比雞翼尖同背脊，無奈，但佢哋個汁就唔錯，幾好食。但一去到，明明大把位，都要我哋坐走廊位。不論食物質素，環境同服務態度都差過銅鑼灣太多，唔同分店嘅質素係唔係應該align下。我哋應該唔會再嚟呢間分店。