影片
更多
2018-03-31
1711 瀏覽
放假入嚟大圍踩單車，一踩就踩到入大尾篤啦。20km路程後梗係要揾下野食啦。見到大尾篤村都有好多選擇，有好多茶記，泰國菜，行行吓就見到呢間，個門口好似好靚咁，成個花園咁，於是就行入去食嗰early dinner la🤪🤪🤪可能時間尚早，5點半度，見有啲waiter係抬度訓緊教，同埋嗰waitress 好似無諗過咁早就有人黎食野🤫🤫見嗰Menu都好多選擇，呢間係間意大利餐廳梗係要試吓佢啲意大利粉啦，我同朋友就嗌左碟煙三文魚香菇辣番茄醬意粉同埋燒豬肋骨🤤🤤🤤等左好耐先有得食，可能踩完單車真係好餓呀😏😏😏終於等到碟意粉上枱，果然慢工出細火，有驚喜呀！碟意粉除咗有幾片煙三魚之外仲有好多三文魚肉夾埋意粉度，混合左啲辣番茄醬，真心好味，再加上啲意大利粉麵質軟硬適中，每條意粉都掛住左啲辣番茄醬，正呀！至於碟燒豬肋骨新鮮燒起，啲肉唔會鞋口，加埋啲燒汁好好味。呢間餐廳果然有驚喜，估唔到喺大尾督都食到啲咁有水準嘅意大利餐。我哋賣單之後，其實成間鋪頭都開始好多人入嚟，好多都係訂左位，一班朋友黎gathering🤗
張貼
