湘聚漁樂圈 (已結業)

近排工作忙冇時間返內地，好掛住深圳食到嘅酸菜魚。今日就同個志同道合嘅朋友去咗一間銅鑼灣嘅湘菜店。見到老闆操普通話，同埋有幾多內地人幫襯，應該唔錯。二話不說點個酸菜魚，$188嗰個係鱸魚。其實水煮魚同其他水煮菜都好吸引，不過夏天都係想食返啲酸酸地嘅菜。另外叫咗酸辣土豆絲仲有湖南小炒肉酸菜魚第一次見酸菜魚成條上，見到魚頭魚尾冒出湯面，上面仲加咗d菊花花瓣。魚肉都滑嘅，冇骨，份量足夠有大量酸菜同百葉豆腐同酸菜魚好夾嘅涼皮，依個涼皮幾厚身，比湯浸到腍哂入哂味。酸辣薯絲做得好出色，刨得幼細之餘仲好爽脆，酸味辣味好balance. 係食過最好食嘅薯絲之一。湖南小炒肉朋友點嘅，不過不失啦，有鑊氣，用咗大量青椒炒肉片，青椒有少少辣可接受。最特別嘅係放咗個鍋喺d火上面，keep住餸個温度。整體嚟講都算滿意嘅一餐。