新肥泉海鮮大排檔

營業中

休息中

同朋友上網search到依間，見到咁多好評就嚟試吓坐低咗勁耐先上咗一碟香辣魚皮，前菜我都已經唔講咩評價第一碟嚟咗黃金魷魚，勁厚粉啲魷魚又硬，只係食到浸油炸味，根本就好似叮出嚟咁，好啦咁我等其他餸，上菜10分慢，唔同姐姐反映叫佢跟一跟，都唔會上菜然後就上咗第二個前菜，鹽焗雞腳，簡直係離譜，未試過食一隻雞腳就停手，雞腳好似白灼之後就咁倒啲汁上去就算，10分難食，真係好似食緊熱水烚雞腳咁然後再上豆豉鯪魚油麥菜，佢連呢碟餸都可以難食，油麥菜好硬又冇味，完全冇鑊氣，竟然係得豆豉鯪魚有味有個菜式寫住拔絲菠蘿咕嚕肉，一嚟到: 何來拔絲？咕嚕肉好似啲殭屍肉咁，入邊係硬嘅，真係無話可說連個粟米魚肚羹，都可以好稀，最基本嘅白飯，好似係琴日嘅隔夜飯，硬到有飯焦咁未試過去一間大排檔體驗咁差，真係好後悔冇影低張相！到最後埋單見到$982，真係更加嬲！完全唔值呢個價錢，簡直係貼錢買難受，今日係第二日，諗起呢餐飯真係好浪費食物，希望佢哋唔好浪費食材，改善一下廚藝，唔好令到食客失望！自費的食客上。