影片
更多
2023-08-28
103 瀏覽
想坐得舒服啲，又有冷氣，又可以食到有鑊氣嘅大排檔小炒，仲要開到凌晨，就諗到去「楚撚記大排檔」宵夜時段仲有88折，更加抵食👍🏻黑松露手打蓮藕墨魚餅楚撚記嘅招牌菜之一，剛剛炸起嘅蓮藕餅，外表帶點焦香，咬落去仲食到粒粒爽脆嘅蓮藕，加上彈牙嘅墨魚，口感非常豐富，不過應該要點泰式辣醬會更好食😆啫啫唐生菜煲上枱時個煲係熱嘅，但明顯係炒好晒碟菜先放落好，之前食上枱嗰陣仲係"之之"聲，靠個煲啲熱力再整熟啲菜，味道鹹咗少少，送飯食會好啲豬膶蒸排骨份量多，排骨肉質鬆軟亦唔會有太多骨同肥肉，夠晒入味，底下嘅豬膶較有咬口，個人鍾意呢種口感，不錯😆三色蒸水蛋皮蛋份量真係太少，得3粒，同餐牌上都唔同嘅⋯蒸蛋都算滑，建議一定趁熱食懷舊豬油撈飯(復刻版)呢個同普通版豬油撈飯唔同嘅就係佢會比一舊固體嘅豬油膏比你撈入飯度，普通嘅係比一壺豬油你自己倒，固體嘅豬油會更加香更加好食，可惜今次啲米飯硬咗少少🥲📍楚撚記大排檔 (寶光大廈) (土瓜灣)土瓜灣馬坑涌道2C號寶光大廈地下C及D號舖人均消費：$150-200食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐
黑松露手打蓮藕墨魚餅
楚撚記嘅招牌菜之一，剛剛炸起嘅蓮藕餅，外表帶點焦香，咬落去仲食到粒粒爽脆嘅蓮藕，加上彈牙嘅墨魚，口感非常豐富，不過應該要點泰式辣醬會更好食😆
啫啫唐生菜煲
上枱時個煲係熱嘅，但明顯係炒好晒碟菜先放落好，之前食上枱嗰陣仲係"之之"聲，靠個煲啲熱力再整熟啲菜，味道鹹咗少少，送飯食會好啲
豬膶蒸排骨
份量多，排骨肉質鬆軟亦唔會有太多骨同肥肉，夠晒入味，底下嘅豬膶較有咬口，個人鍾意呢種口感，不錯😆
三色蒸水蛋
皮蛋份量真係太少，得3粒，同餐牌上都唔同嘅⋯蒸蛋都算滑，建議一定趁熱食
懷舊豬油撈飯(復刻版)
呢個同普通版豬油撈飯唔同嘅就係佢會比一舊固體嘅豬油膏比你撈入飯度，普通嘅係比一壺豬油你自己倒，固體嘅豬油會更加香更加好食，可惜今次啲米飯硬咗少少🥲
📍楚撚記大排檔 (寶光大廈) (土瓜灣)
土瓜灣馬坑涌道2C號寶光大廈地下C及D號舖
人均消費：$150-200
食物：⭐️⭐️⭐️⭐️
環境：⭐️⭐️⭐️⭐️
回頭率：⭐️⭐️⭐️⭐
張貼
