影片
更多
2022-11-02
1309 瀏覽
心思思想食韓國嘢，今次就嚟到荃灣嘅ITW，半開放式餐廳襯上木色調嘅裝修，配搭柔和嘅燈光，瞌埋眼真係好似去咗轉韓國咁。韓國直送醃海鮮套餐（辣）呢個套餐一共有五樣野，包括：醃魷魚、香辣醃魚腸、豆腐、腩肉、生蒜辣椒。當中兩大主角味道都好出色，其實口味相差不多，同樣微辣中帶點甜，口感偏爽有嚼頭。今次試咗用來配搭其餘三樣配菜，濃淡相間，味道估唔到會咁突出，份多種層次秘製醬油蟹配原味紫菜包飯小編期待已久嘅菜式，擺盤已經覺得好有韓式風味，估唔到食落更加出色！從未食過嘅友人係食之前好擔心會有腥味，但將蟹肉唧出，加埋生雞蛋後，落入紫菜飯中攪拌，再加少少醬汁，一食落口完全只感受到陣陣鮮甜。好新鮮好地道嘅口味，同坊間有少許唔同，感覺好特別，問一問店員先知原來佢嘅秘製醬汁係用新鮮水果調配，所以帶種果香，更提鮮。無骨香蒜蜜糖炸雞雖然半份但係份量一啲都唔少，適當嘅香蒜蜜糖粿係炸雞上，味道甜甜地夠香口，無骨啖啖肉一口又一口好滿足。最欣賞係當食到一半發現雞肉變涼唔夠熱，店員都好樂意幫忙翻熱，而翻熱後比剛上檯更脆身，更滋味。海鮮豆腐辣湯同傳統嘅泡菜香辣海鮮湯有啲唔同，佢嘅調味較為複雜，食落味蕾更有刺激，辣度都比較高。用
心思思想食韓國嘢，今次就嚟到荃灣嘅ITW，半開放式餐廳襯上木色調嘅裝修，配搭柔和嘅燈光，瞌埋眼真係好似去咗轉韓國咁。
韓國直送醃海鮮套餐（辣）
呢個套餐一共有五樣野，包括：醃魷魚、香辣醃魚腸、豆腐、腩肉、生蒜辣椒。當中兩大主角味道都好出色，其實口味相差不多，同樣微辣中帶點甜，口感偏爽有嚼頭。今次試咗用來配搭其餘三樣配菜，濃淡相間，味道估唔到會咁突出，份多種層次
秘製醬油蟹配原味紫菜包飯
小編期待已久嘅菜式，擺盤已經覺得好有韓式風味，估唔到食落更加出色！從未食過嘅友人係食之前好擔心會有腥味，但將蟹肉唧出，加埋生雞蛋後，落入紫菜飯中攪拌，再加少少醬汁，一食落口完全只感受到陣陣鮮甜。好新鮮好地道嘅口味，同坊間有少許唔同，感覺好特別，問一問店員先知原來佢嘅秘製醬汁係用新鮮水果調配，所以帶種果香，更提鮮。
無骨香蒜蜜糖炸雞
雖然半份但係份量一啲都唔少，適當嘅香蒜蜜糖粿係炸雞上，味道甜甜地夠香口，無骨啖啖肉一口又一口好滿足。最欣賞係當食到一半發現雞肉變涼唔夠熱，店員都好樂意幫忙翻熱，而翻熱後比剛上檯更脆身，更滋味。
海鮮豆腐辣湯
同傳統嘅泡菜香辣海鮮湯有啲唔同，佢嘅調味較為複雜，食落味蕾更有刺激，辣度都比較高。用鍋上十分保溫，裏面有滿滿嘅海鮮，包括原隻蝦同魷魚，另外仲有吸收曬湯汁嘅豆腐，撈埋白飯食真係一流。
韓國傳統煎糖餅
一上枱已經聞到好香嘅肉桂粉味，面頭加咗啲朱古力醬，咬落去外脆內軟，中間仲有啲甜絲絲嘅糖漿，配搭少許果仁，都幾香口，雖然細細件但係都好有飽足感，用佢黎作結都唔錯。
飲品
天氣轉涼當然整返杯熱飲，今次揀咗熱紅棗蜜，飲落有淡淡紅棗味帶微甜，暖暖胃確實不錯；友人就叫咗杯草莓乳酪沙冰，望落超級大杯，裏面有粒粒士多啤梨果肉，同綿綿嘅沙冰，酸甜嘅乳酪味道完全中和到呢一餐嘅飽肚感，再添一份滿足。
張貼
