Sophia Loren Pizzeria

營業中

休息中

灣仔地標和昌大押有間意大利餐廳，由奧斯卡影后創立嘅餐飲品牌，地面主打多款薄餅，假日午餐時段更有任食兩小時Pizza、手工意粉同Tiramisu套餐。店內採用藍白色調，裝潢優雅，帶懷舊風，適合約姐妹們打卡聚餐。意式前菜分享包含意大利麵包、冷肉拼盤、蕃茄青瓜沙律同外婆燴肉丸。麵包帶點咬口，偏硬身，Cold Cut有三款，鹹度適中，搭配麵包啱啱好。沙律菜新鮮，肉丸外脆內餡足，以上都係一次性，食完後店員就會開始送上Free Flow食物。Pizza有五款口味，私心推介開心果青醬火腿芝士，淡淡開心果香氣，搭配鹹香火腿同芝士神奇地夾。四色芝士與風乾火腿味道濃郁，芝士控唔好錯過。另外有番茄羅勒水牛芝士、辣肉腸薄餅配查彻特拉水牛芝士同西西里鯷魚歐芹油封車厘茄沙律，餅底鬆軟，試試無妨。Pasta有三款，分別為貓耳朵意粉配香草汁、傳統卡邦尼手工短笛意粉同海鮮寬條麵。麵條偏硬身，帶咬口，醬汁唔算好濃，所以食完都唔會覺得好膩。最後以甜點作結，芝士蛋糕甜度適中，入口綿密，超級滿足，Refill咗好幾次。飲品方面可額外加錢要任飲酒精，酒精度唔算好高，食住飲好過癮。