長洲張記

營業中

休息中

因為有一段時間冇來過長洲，見到都開左啊少新嘅食店，但又怕週末人多，於是專登搵左個平日，同幾個朋友一齊黎。興致連連，大概中午時間黎到，喺附近繞了一圈，食左啲小食。因為肚子餓了，就想搵間餐廳坐坐，順便休息一下。一行四人對海鮮冇太大興趣，於是繼續往前行，黎到張記，友人話，呢間張記都挺有名的，雖然我未聽說過，但因為我都幾鐘意食魚蛋、粉麵，加上見到店內客人唔多，於是定下來，心諗食碗粉麵唔需要好長時間，可以好快繼續行程。坐低嘅時候係2:30pm，我地就睇下食啲乜。不消一會我地就點單後，相信前後不足5分鐘。點單後，分別有4人同6人嘅客人前後腳入黎。佢地明顯喺我地之後點單。我地眼光光坐左20分鐘，都有啲疑惑，點解喺我地之後人黎嘅4人遊客，都已經有食物，而我地比佢地早下單，但仲未有得食？本來正考慮著要不要問一下店員，見到後來嘅6人都已經陸續上麵，於是朋友好聲好氣問一下啊姐：姐姐啊，我地會唔會係漏左單？黎得長洲食野，行下，我地就抱住悠閒嘅心態，唔係話下下都催，問心，真係向你詢問一句。啊姐好有霸氣：唔會漏單，因為我地順單做的！下？啊姐你好意思嗎？我地喺你食緊飯嘅時候入黎點單，你都食完飯，我地都仲未上一碗麵。