泰中意 (已搬遷) 新店位置

相約兩位朋友過黎大水坑呢頭食晚飯聚舊, 作為地膽當然要帶佢地搵d正野。之前bookmark左泰中意, 今次終於齊人一齊黎試。菠蘿海鮮炒飯$108菠蘿炒飯成座山咁高裏面仲有好多料, 唔透通太多費事冇左驚喜, 總之就必嗌好好食。泰式去骨鳳爪沙律 $75好有誠意，夠地道夠曬辣，每隻去骨鳳爪都蘸滿辣椒碎，軟骨都食埋真係好美味可口，調味做到恰到好處，吾會死咸~泰式青咖喱牛腩配薄餅 $138薄餅有兩大塊, 即叫即煎好香噴噴, 青咖喱汁帶有淡淡椰漿及椰奶 ，椰香味濃郁十足, 牛腩軟腍，輕輕咀嚼就能化開~