泰中意 (已搬遷) 新店位置

✨夠竟我有幾鐘意【泰中意】❔山長水遠揸車過去塞完車泊埋車要9個字， 就係為咗食佢地嘅泰式咖哩虎蝦！ 咖哩汁椰香味濃，主角虎蝦隻隻都好巨型成隻手掌咁大，蝦身粗過我兩隻手指，而且大量蔬菜例如紅椒青椒黃椒西芹洋蔥撈埋啲汁好鮮甜，完全食唔停口❕蜜糖青檸梳打亦都係我至愛，酸酸甜甜夠晒開胃飲極都唔厭🤍而且價格貼地份量超多，4個人每人2杯野飲+飽到食唔落，每人都只係2百幾✨聽老闆娘講餐廳做到埋聽日（6月28日）就結業，休息幾個月之後再考慮係其他地方重開啵～希望老闆娘唔好呃我啦🫶🏻

要食趁快啦! 佢就結束營業了。呢間舖頭出名燒豬扒勁大塊。好似pokémon 超極巨化左咁。而佢真係炭燒的，兩塊大大塊豬扒係你一落order佢就會燒，所以要預啲時間等。再加上佢就嚟要結束營業，而家日日lunch都大排長龍。如果想食嘅話，記住一定一定一定要book位！！！講返塊豬扒，真係好大塊，厚薄適中，調味好。唔會太韌咬唔到或太冧無咬口。仲有佢真係炭燒燒出嚟，喺巴士站行過去都已經有嗰陣香味涌出嚟！！！另外跟餐咖啡都唔錯的。

今日要同家人去馬鞍山睇示範單位，順便附近食晚餐。見openrice呢間餐廳好多人話抵食同服務態度好好，所以選擇左呢間主打泰菜但又有少少fusion菜嘅餐廳。我地呢碟煙三文魚忌廉汁意粉幾唔錯，好大碟意粉，三文魚碎撈埋啲白汁味道好郁濃好味，仲有個脆香蒜蓉包仔送。另一碟泰式海南雞配香茅油飯都係份量好足。海南雞有半份，充溝油香肉質嫩滑。唔點醬食都好好食。最後好想食甜品，就嗌埋個芒果紫糯米。芒果好鮮甜wor又無絲，底下紫糯米唔會過甜。同埋餐廳服務態度真係幾好，但係有一樣唔開心既野就係原來佢地好快就搬喇，呢間鋪會做到6月28號，老闆娘同我講佢地之後會搬去田心村，好彩都近我既，好啦，等佢地Settle Down 左之後，再食過先😆😆😆👍

大水坑站B出口，大概行5分鐘就到門口已經聞到好香，晏晝都幾多人！馬鞍山區食好西選擇不多，聽聞呢間餐廳嘅炭燒豬扒同炭燒雞扒好出名，呢間係唔錯嘅選擇！炭燒豬扒飯，豬扒勁大塊～味道好香口，肉質有口感。店員話第一次嚟豬扒係必叫的 果然冇錯 整體方面，小店來講質素吾錯，上菜都快，黎到呢區嘅朋友可以來試試，呢度除咗食物好味，環境都唔錯，坐得好舒服😌未試過嘅朋友推介你哋來試吓呢度嘅燒豬扒同燒雞扒啦～！🍴蔥油炭燒豬扒飯：$78📌泰中意🍽️馬鞍山大水坑村93號地舖

好耐冇同朋友黎馬鞍山，今次上網搵左間食泰國嘢既餐廳，見佢地有室內亦有室外位，都幾有氣氛☺️lunch有好多選擇😗今次試左其中一款，味道都好好👍🏻香蒜辣椒欖油鮮蝦蘆筍意粉$80意粉煮得剛剛好，鐘意食辣既朋友仔一定要試下🤓成個意粉不會太辣但蒜香味十足😀鮮蝦大大隻好爽口，蘆筍大大條好有咬口，要試下午餐可+$15追加小食，我都加左個素菜春卷（兩條）上枱既時候仲係熱辣辣，外皮香脆，素菜餡份量好多，配上甜酸醬幾惹味👍🏻Honey Lime Soda 蜜糖青檸梳打 正價$35，跟餐$16佢仲有好多特飲，呢杯甜甜地帶青檸的酸，好飲

以往食開泰國菜都係喺九龍城食，有個朋友介紹話呢間泰中意又平又好食，於是就黎試吓啦！好近大水坑地鐵站, 又係地舖, 好方便易搵!!!主要order左兩款野食~燒豬肋骨伴薯條 $188 （半份） & 泰式拼盤 $118泰式拼盤包括了香葉包雞，單骨雞翼，蝦餅，素菜春卷，仲有魚餅。我由其鍾情香葉包雞, 同之前泰國食係一樣咁好食! 雞翼，蝦餅，春卷，仲有魚餅呢啲炸得好脆, 擺得好齊整打卡又靚!估唔到原來有燒豬肋骨嗌, bbq sauce做出smoky 香又唔會太甜咁, 好美味!!幼身薯條份量一啲都唔細, 炸得脆!

馬鞍山不嬲都冇咩野食，估唔到都有啲好野食，今次發現倒一間主打泰西fusion菜既餐廳，味道都有驚喜鹽燒魚配白飯或雜菜沙律 $168鹽燒魚大大條燒得剛剛好，魚肉厚身又夠嫩滑，外皮有少少脆😀可配上檸檬🍋一齊食更惹味套餐可配白飯或雜菜沙律🥗 黎到要試下泰式海南雞配香茅油飯 $75海南雞肉嫩不鞋，旁邊仲有醬汁可以沾，值得一讚個香茅油飯好香，配埋個雞飯食大滿足另外午餐仲可+$15追加小食，今次叫左2款，味道都有驚喜🤤素菜春卷（兩條）春卷外皮香脆，入面滿滿素菜大滿足，可配醬汁一齊食更惹味泰式炸魚餅(3件）炸魚餅大大塊又幾香魚味，加入少少香料令入口更滿足

今日晚餐同爸爸兩個撐枱腳，爸爸突然話想食泰國菜，於是帶左佢黎呢間屋企附近就腳嘅”泰中意”食飯。大約6點幾點就黎到，餐廳岩岩開門, 所以一入就有位lu~ 之後我地食物開始多人入黎幫襯同外賣，見到好多人籠呀，好彩我地早左入來咋，呢間勁有人氣！店員安排左我地坐寬敞嘅角落位, 我嗌左煙三文魚忌廉汁意粉, 泰國餐廳但有西式fusion野, 唔錯wor。忌廉汁都夠多同creamy質地, 好好食, 個面仲有蒜蓉包tim。爸爸就嗌左碟泰式海南雞配香茅油飯（半隻）, 海南雞真係好滑好嫩肉, 比預期件數多, 兩碟total around $200鬆d, 食物質素絕對對得住價錢！推介

相約兩位朋友過黎大水坑呢頭食晚飯聚舊, 作為地膽當然要帶佢地搵d正野。之前bookmark左泰中意, 今次終於齊人一齊黎試。菠蘿海鮮炒飯$108菠蘿炒飯成座山咁高裏面仲有好多料, 唔透通太多費事冇左驚喜, 總之就必嗌好好食。泰式去骨鳳爪沙律 $75好有誠意，夠地道夠曬辣，每隻去骨鳳爪都蘸滿辣椒碎，軟骨都食埋真係好美味可口，調味做到恰到好處，吾會死咸~泰式青咖喱牛腩配薄餅 $138薄餅有兩大塊, 即叫即煎好香噴噴, 青咖喱汁帶有淡淡椰漿及椰奶 ，椰香味濃郁十足, 牛腩軟腍，輕輕咀嚼就能化開~

與好姊妹食飯，搵左間大家都鐘意嘅style嘅餐廳，就係呢間有種小清新泰菜館，啲裝修唔似啲舊式老字號泰國菜館。野食選擇同樣比較新穎，都有啲fusion野夾雜下，價廉物美，係幾好嘅餐廳。呢碟係煙三文魚忌廉汁意粉，上面有個脆香蒜蓉包，材料有煙三文魚外仲有車厘茄。食落啲汁好creamy,不加味精，好好食。叫碟就泰式海南雞配香茅油飯（半隻），啲雞有好多！！！真係好鮮嫩，有三款醬可以點，款款都好食。香茅油飯好香好開胃。甜品係女人第二個胃，大家都搶住食個芒果紫糯米，crazy😂啲芒果鮮甜到咁唔搶真係唔得，紫糯米我不嬲好鐘意，果種質地入口好好食。

最近唔算好有胃口，跟住朋友去左呢間位於馬鞍山既泰國餐廳🍴佢地有室內有室外位，今次坐左係出面都好Chill🤤 配埋個靚天氣，好正呀！巴馬火腿雜菜沙律$80沙律菜好新鮮，巴馬火腿既份量好多下，帶鹹香優質即磨咖啡見好多人都推介佢地個咖啡☕️ 跟午餐免費當然要試下，即磨同出面Cafe水準有得揮，好順滑咖啡好有驚喜，真心高質Honey Lime Soda 蜜糖青檸梳打 朋友叫左杯梳打，正價$35，青檸酸甜開胃，加入蜜糖有助中助番酸味好好飲

呢間餐廳岩岩開既時候試過一次，雖然以家搬左不過都要番黎試下，今次黎食lunch水準都keep倒🥰 佢地冇室內室外位，想Chill 啲坐出面都唔錯👍🏻泰式海南雞配香茅油飯 $75海南雞好大份冇咩骨，雞肉嫩滑好香雞味🥰另外要讚下佢個香茅油飯好香，就咁食個飯都覺得好好味，大家要試下香蒜辣椒欖油鮮蝦蘆筍意粉 $80個意粉有驚喜😉意粉煮得剛剛好，鮮蝦大大隻好有咬口，幾鐘意佢個香蒜辣椒🌶️辣辣地好惹味 ，值得一試午餐仲可+$15追加小食我就加左素菜春卷 (兩條) 加$15同泰式炸魚餅 (3件) 加$15兩款都好好食，春卷外脆內軟，炸魚餅好彈牙又帶點魚味，味道幾正，一口接一口，食唔停喔，哈哈

上個月先去完曼谷, 但講到泰式餐廳, 香港嘅都真係唔輸蝕!!泰中意就係其中一間~尋晚黎食點左以下堆野食野飲:泰式拼盤（香葉包雞，蝦餅，素菜春卷，魚餅，單骨雞翼）$118泰式青咖喱牛腩 $108， 配薄餅（2件）$30泰式椰子雞湯 $88蜜糖鹹檸檬梳打$38拼盤嘅各款炸物有兩至三舊,全部煎得金黃香噴噴, 可以點埋旁邊嘅泰式醬料食,好開胃! 泰式青咖喱牛腩， 配薄餅(薄餅cut開有8塊), 青咖喱屬小辣, 岩我程度~泰式椰子雞湯好清甜, 豪無味精味~so nice!配埋杯蜜糖鹹檸檬梳打, 好清涼呀!

呢間位於馬鞍山既泰國菜之前食過一次今次lunch再黎食味道同樣有驚喜😀lunch都有好多選擇，除左泰菜仲有fusion菜☺️香蒜辣椒欖油鮮蝦蘆筍意粉$80意粉煮得剛剛好😀鮮蝦大大粒夠彈牙，蘆筍爽口惹味，特別鐘意佢個香蒜辣椒欖油，蒜味香濃辣辣地好惹味。鹽燒魚配白飯或雜菜沙律 $168另一個見隔離枱叫所以試下，鹽燒魚大大條外皮焦香，魚肉嫩滑帶鹹香，配上白飯一流，想冇咁heavy可以揀配雜菜沙律🥗感覺會fresh啲。飲品可配特飲，今次揀左Honey Lime Soda 蜜糖青檸梳打 正價$35，跟餐$16 甜甜酸酸好開胃，有助解膩。另外一杯就揀左凍檸茶$3，正。係呢啲咁好天氣既環境食正野，滿足。

呢間泰菜之前見倒好多人食，今次黎食lunch 都係好多人，佢地有室內外座位，想Chill啲可以坐出去食😆香草醬鮮蝦意大利粉$80香草醬帶鹹香，鮮蝦彈牙爽口，意大利粉煮得剛剛好，值得一試。巴馬火腿雜菜沙律$80沙律菜好新鮮，巴馬火腿既份量都好多，食既時候有鹹香，估唔到佢地除左泰國菜fusion野都幾好食😋Honey Lime Soda 蜜糖青檸梳打 正價$35跟餐$16今次試左杯梳打，甜甜酸酸好開胃，影相又靚。同埋值得一提，佢地既服務一流好細心，因為我地有老人家，店員主動提出駛唔駛幫我地安排掉位，去一個唔好比冷氣吹住既位，好細心丫😭😭😭今時今日，咁既服務態度，絕對要比5粒星星 👍👍👍👍👍