影片
更多
2022-09-27
1540 瀏覽
又夠鐘做孤獨的美食家，收工自己買外賣，話說之前係另一間食過兩餸飯質素比較差，今次就搵到呢間未食過試試，原來呢間住家菜都開左好幾年，平時行開新北江都唔多覺以為開左無耐，都未幫襯過，今日就試下啦。大約晚上7點到人唔算話好多，睇返價錢其實都唔算平，兩餸飯都要41蚊無野飲，3餸更要60蚊，餸既選擇大約十幾左右，賣相睇落都幾靚，成個買飯過程超光速，唔洗唔洗20秒搞掂，所以就算人多排隊都好快清龍，阿姐既態度都尚算ok啦。揀左兩餸要左蓮藕煎肉餅同炆豬手，個量呢，就真係幾多下，蓮藕肉餅有3塊，豬手有5大件，飯都唔少。先講個飯就算正常，唔會好濕好笠，少少黏，飯香味都有d，ok既，豬手炆得都夠腍，腍得黎唔會好爛，都好入味，而且都算乾淨同無怪味，蓮藕肉餅就誇張，好厚身，豬肉比例比較多唔會好粉，蓮藕粒就偏少d，咬落入面竟然仲有d肉汁唔會好乾，面頭仲有d泰式辣醬增加風味。雖然話41蚊食個兩餸飯未去到話好平，但餸菜同飯量真係幾多，我係餓到就暈既狀態下都勉強剩左1塊肉餅同1件豬手（無浪費留左第日食），而質素都唔差，細食既朋友可能1盒夠2個人食tim，有時唔知食乜既時候呢間兩餸飯店都係幾好既選擇。
大約晚上7點到人唔算話好多，睇返價錢其實都唔算平，兩餸飯都要41蚊無野飲，3餸更要60蚊，餸既選擇大約十幾左右，賣相睇落都幾靚，成個買飯過程超光速，唔洗唔洗20秒搞掂，所以就算人多排隊都好快清龍，阿姐既態度都尚算ok啦。
揀左兩餸要左蓮藕煎肉餅同炆豬手，個量呢，就真係幾多下，蓮藕肉餅有3塊，豬手有5大件，飯都唔少。
先講個飯就算正常，唔會好濕好笠，少少黏，飯香味都有d，ok既，豬手炆得都夠腍，腍得黎唔會好爛，都好入味，而且都算乾淨同無怪味，蓮藕肉餅就誇張，好厚身，豬肉比例比較多唔會好粉，蓮藕粒就偏少d，咬落入面竟然仲有d肉汁唔會好乾，面頭仲有d泰式辣醬增加風味。
雖然話41蚊食個兩餸飯未去到話好平，但餸菜同飯量真係幾多，我係餓到就暈既狀態下都勉強剩左1塊肉餅同1件豬手（無浪費留左第日食），而質素都唔差，細食既朋友可能1盒夠2個人食tim，有時唔知食乜既時候呢間兩餸飯店都係幾好既選擇。
張貼
