發哥粥底海鮮火鍋 (已結業)

上一次去過大圍發哥粥底海鮮火鍋食過，啲海鮮超正。發現原來係觀塘開左新店，立即帶老公去再食一次。今次要挑戰既當然係最吸引既龍蝦餐啦！點解甘吸引？繼續睇落去就知！係火鍋料未上枱之前，先送上一盅熱辣辣燉湯，足料，係大冬天飲完一碗成個人暖笠笠。仲有二款小食，分別係拍青瓜同花生。蒜蓉泰醬焗青口，每人二隻，少少辣好惹味，仲有真係新鮮焗起的，唔小心摸到個碟邊燙手到不得了。仲可以揀想要新鮮鮑魚定冰鎮鮑魚，我地揀冰鎮鮑魚，簡直不得了，爽口得黎肉質卻好軟腍。食左甘多前菜終於到火鍋啦！先黎大大個海鮮拼盤。海鮮拼盤有龍蝦外，蟶子皇，貴妃蚌，多寶魚，黃金蜆，海蝦，元貝。龍蝦🦞超大隻又多膏，其他海鮮都好新鮮，食起超鮮甜，其中老公大讚蟶子皇超巨型，肉厚咬落，冇沙要讚下，我就中意元貝，個殼成個手掌甘大，入面粒元貝都超大隻，碌左一陣都唔老。除咗海鮮之外，仲有一份安格斯牛肩肉，好嫩滑又好有牛味。另外還可自選八款火鍋配料，我地揀左自家製蝦滑，墨魚滑， 韭菜餃，黑豚肉，滑牛肉，鮮滑雞，魷魚鬚，脆鯇骨腩片。個人比較推介自家製蝦滑，墨魚滑同韭菜餃，都好食。當然最後重頭戲就係吸收晒海鮮同埋唔同火鍋配料精華嘅粥底，味道好鮮甜，而且粥