倫哥火鍋私房菜 (已結業)

好耐無食火鍋，聽就聽多得，一直都無試過倫哥，今次６點幾就黎到，見無乜人食以為有Ｄ伏，點知食食下愈坐愈多人，因為食物質素相當唔錯，有雞煲有海鮮，仲有任飲同甜品，其實３００蚊真係唔貴喎！啤酒有得買套票$100/100張，抵到爛，見到有街坊買左黎用，似乎成日都黎食ＸＤ講番個套餐，有前菜有沙律，再上蒸海鮮，鮑魚，雞煲，再打邊爐，最後有甜品，唔夠食可以再加料，部份海鮮都可以加單，仲有麵／菜／丸／之類，一定食到超飽。雞煲都好入味，小辣覺得唔夠辣，可以要中辣！鮑魚同龍蝦都好好食，新鮮彈牙，而且煮得好入味！炸魚皮都好脆，不過響鈴淋左少少。打邊爐既海鮮連蟹都有，花甲定蜆無沙，多寶魚好滑！OVERALL 超滿足，好飽，性價比不錯喎！