森壽司 (已結業)

平日很少去中環, 因為心理上覺得中環的食店都會比較貴, 但竟然發現一間唔算太貴但食物又出奇的好食的日本餐廳.  本人都十分喜愛食生蠔, 所以一嚟見到就先叫兩隻, 同朋友一人一隻, 雖然不是十分大隻嘅品種, 但海水味又不太重, 芝味鮮甜, 十分啱我口味.再嚟當然係點我最愛嘅刺身, 由於我同朋友都有多款魚生想食, 而又發現單點無咁抵, 於是我們就點了一個雜錦刺身盛, 刺身上枱後都覺得真係無叫錯, 裏面起碼有成十款刺身, 有吞拿魚腩, 海胆, 三文魚籽, 油甘魚, 劍魚, 全都是腩位的, 真係見到都留口水, 而且食落都十分生鮮.由於我同朋友都十分喜愛食海胆, 所以再點了海胆炒飯, 海胆壽司, 海胆蒸蛋等菜式, 其中海胆蒸蛋係 menu 無的, 叫師傅特別幫我們做的. 海胆壽司上的海胆係來自北海道的, 真係十分鮮甜, 當然價錢就會貴啲.  除了北海道海胆, 原來都有來自其他國家而又較經濟嘅海胆的, 在炒飯上面嘅海胆就係其他國家的, 味道都唔太差.食完後真係覺得價錢合理, 下次會再去試吓其他的.