希鳥

營業中

休息中

食過幾次壽司Omakase都唔夠飽，所以今年生日飯揀咗「希鳥」食雞～餐廳用上日本鹿兒島黑薩摩雞，所以可以生食雞肉。呢道菜有雞柳刺身同三文魚子包成嘅手卷。雞柳鮮嫩多汁，配上三文魚子嘅鹹香味好搭，兩者一齊入口，好有層次感。野菜お浸し，清爽又健康，啲蘆筍煮得剛剛好，保留咗啲脆口同自然嘅味道。之後有南瓜餅配雞肉勾芡。南瓜餅炸得好香脆！同雞肉芡醬汁好夾。呢道菜賣相同味道一流！蛋黃同秘製醬汁攪拌之後同雞肉棒食味道帶濃但惹味。最後嘅主食就係穴子壽司同海鰻壽司。穴子魚肉味道濃郁，而海鰻肉經過燒烤，表面有啲脆口，加上壽司飯嘅蓬鬆口感，正！十七道菜真係食到好飽好滿足！