影片
更多
2017-05-04
1884 瀏覽
早幾日約咗個中同去食放題，地方自然又係兆萬中心。係兆萬樓下望咗陣，見大家都未食過八幡屋，咁咪去試下新野。一入到去，環境幾企理，同埋望到啲擺設幾有日本feel，尤其一大堆日本酒既陳列，感覺似日本料理多於放題，第一印象已經幾好。一開始就點左啲前菜，例如一口胡麻冷豆腐同埋將軍沙律。凍豆腐既size就真係一口岩岩好，可以放心咁填多啲，唔驚佢成盆豆腐咁上。豆腐配胡麻汁加上木魚絲幾唔錯！將軍沙律原來係溫泉蛋配沙律，食之前搞均隻溫泉蛋同埋啲蔬菜，再連埋甜甜地既芝麻醬，口感清新同獨特！試完呢啲開胃前菜，梗係開餐食多啲啦！因為我中學同學唔食得生冷野，得我一個人食，唯有今次點少啲。燒物方面，點咗鹽燒牛舌、鹽燒雞中翼、窯燒豬頸肉仲有燒粟米。當中個人最好燒牛舌，次次食放題都必點！上台既時候已經燒辣辣，肉質彈牙，唔會似燒左十世既牛舌乾咁，呢個牛舌幾值得推介！另外，豬頸肉個啲都唔錯。黎到食放題，點少得壽司同刺身，可惜個中同唔舒服，唯有我食埋佢個份啦！因為有升級既關係，多左唔少選揀。於是，一口氣點左海膽手卷、鰻魚八幡卷、芥末八爪魚軍艦、花之戀，仲有升級先有既油甘魚刺身、珍寶帶子刺身同埋珍寶赤蝦刺身。因為升級關係，睇
早幾日約咗個中同去食放題，地方自然又係兆萬中心。係兆萬樓下望咗陣，見大家都未食過八幡屋，咁咪去試下新野。一入到去，環境幾企理，同埋望到啲擺設幾有日本feel，尤其一大堆日本酒既陳列，感覺似日本料理多於放題，第一印象已經幾好。
一開始就點左啲前菜，例如一口胡麻冷豆腐同埋將軍沙律。凍豆腐既size就真係一口岩岩好，可以放心咁填多啲，唔驚佢成盆豆腐咁上。豆腐配胡麻汁加上木魚絲幾唔錯！將軍沙律原來係溫泉蛋配沙律，食之前搞均隻溫泉蛋同埋啲蔬菜，再連埋甜甜地既芝麻醬，口感清新同獨特！
試完呢啲開胃前菜，梗係開餐食多啲啦！因為我中學同學唔食得生冷野，得我一個人食，唯有今次點少啲。
燒物方面，點咗鹽燒牛舌、鹽燒雞中翼、窯燒豬頸肉仲有燒粟米。當中個人最好燒牛舌，次次食放題都必點！上台既時候已經燒辣辣，肉質彈牙，唔會似燒左十世既牛舌乾咁，呢個牛舌幾值得推介！另外，豬頸肉個啲都唔錯。
黎到食放題，點少得壽司同刺身，可惜個中同唔舒服，唯有我食埋佢個份啦！因為有升級既關係，多左唔少選揀。於是，一口氣點左海膽手卷、鰻魚八幡卷、芥末八爪魚軍艦、花之戀，仲有升級先有既油甘魚刺身、珍寶帶子刺身同埋珍寶赤蝦刺身。因為升級關係，睇得出有花下心思砌，幾好！油甘魚食得出真係新鮮野黎，帶子同埋赤蝦的確係珍寶份量同埋味道鮮甜！
當然升級後唔止刺身既，仲有燒羊架、燒味醂魚乾同鹽燒油甘魚頭之類，多左唔少選揀。羊架幾肥美同埋唔會冇咗陣羊羶味。燒味醂魚乾可以當係啲開胃同埋配菜既小吃。
而炸物，梗係點都要試下芝麻雞翼，因為芝麻雞翼好難整得難食。如果間舖連芝麻雞翼都炸唔好，就真係要改善下。食落，上台係岩岩炸完，夠熱辣辣，味道唔錯既！仲有點埋番薯仔天婦羅，南瓜天婦羅同埋雞軟⻣。
中同選左豚肉生薑燒，二人位量黎講，出乎意料地多，同埋啲豬肉肥肥地兼夠哂入味，幾好食，成碟都清得七七八八。
最後，本住咩都哂既心態，有點埋豉汁炒蟶子、芝士大蝦金龍船、十勝紅豆牛奶布甸、焦糖菠蘿同埋芒果布甸等等。當然，如果紅豆可以少甜就更好，而個牛奶布甸的確幾好食！同埋呢度既侍應，態度都幾好，同埋換碟既速度算快，唔會成堆碟堆埋一齊。
張貼
