彩虹煮意 (已結業)

母親節，老公話要出街食，唔駛我煮飯咁辛苦，佢話朋友推薦呢間小店，所以帶我嚟試吓。雖然開喺一個唔太起眼嘅位置，晚上6點幾到，已經要等位了，等咗大概15分鐘就坐低了😊樓面姐姐非常友善，我唔食得奶類，佢仲幫我同大廚講咗聲，可以特別處理我叫嘅嘢食，真係好感動，呢啲就係小店吸引之處。老公叫咗紐西蘭牛肉眼扒 8oz五成熟，大廚煮得剛剛好，真心覺得好過好多又貴又懶出名嘅高級西餐廳😒⋯⋯我就叫咗一個香煎美國雞胸配野菌闊條麵我拜託了要走忌廉，相信佢係用咁燒汁煮，味道好好，第一次食雞胸係唔鞋，真係好正，不過，如果切返簿少少就好啦😅我哋加錢轉餐，附送可揀湯或沙律，仲有杯茶。老公叫咗沙律🥗⋯⋯係尤魚沙律，不過唔知點解成碟沙律，尤魚都好好味，但係啲粟米粒反而有鯹味🙁我就要咗個蘑菇湯，堅好飲🥰整體嚟講，呢間小店無論服務同食品質素都非常好👍🏻希望可以一直做落去啦！