大灰熊廚房 (裝修中)

朋友住喺將軍澳帝景灣，佢今日帶我去帝景灣商場一樓的食店叫大灰熊廚房食午飯。😗今日天氣有啲涼，我們order左一個時令嘅芋頭油鴨（$148），一碟蒜蓉粉絲蒸勝瓜（$88）,還有西湖牛肉羹，同一個小食椒鹽粟米。大灰熊廚房嘅小菜好有住家飯嘅感覺。芋頭油鴨一啲都唔肥膩，芋頭非常之粉軟淋香，油鴨鹹香鹹香好有咬口，送飯一流。好鍾意蒜蓉蒸絲瓜。蒜蓉非常之多，下面鋪滿咗粉絲，蒸到剛剛好，絲瓜好清甜。椒鹽粟米亦都好好食，夠乾身，而且係超甜粟米，加上啲椒鹽味道出奇合拍，系店家推薦嘅小吃。西湖豆腐羹裏面有蛋白、豆腐同埋牛肉，好味 。呢度嘅午餐一律都係60蚊，有蒸三色蛋、豬手等，好多街坊都有食。唔錯😊