強記大牌檔 (已結業)

一睇到個名大牌檔,好多人就以為要大熱天時坐喺街邊大汗疊細汗咁食,其實呢度係大牌檔,個廚房係喺街邊,你亦可以坐街邊食,但佢亦有幾間舖供人入去一路涼冷氣一路食飯~禮拜六晚家庭聚會,我地啲細可以話事,就揀咗去呢間一路都好想試好耐嘅大牌檔~都知道禮拜六晚實多人,雖然係約咗9點先食,但始終人多,穩陣起見都係訂定檯方為上策~由於訂咗檯又早到,故唔駛等好耐就俾到檯我地~17個人一張大檯,其實我訂咗兩張檯,不過屋企人見有好多人等位,而且逼埋一張檯食飯開心啲,就放棄另一張檯~已經唔記得嗌咗幾多碌啤酒,尤如當水飲一樣~~其實叫咗好多餸,話晒17條友,不能盡記,但記得有出名嗰幾樣:1. 焗魚腸 - 味道唔錯,但略嫌太多水2. 古法炆斑尾 - 呢個正呀,雖然斷斤秤,正條total $300,但真係好大條,好好味~3. 避風塘軟殼蟹 - 即係椒鹽咁整,好有鑊氣,送酒一流4. 炸墨魚餅 - 十幾條友,得幾舊餅,分到一細舊,好難講好唔好食...5. 啫啫雞煲 - 呢個就稍為普通...其餘就好多普通小菜...一句講晒,去得過~