強記大牌檔 (已結業)

地道嘅大排檔針灸後同友人去了茶記吹水再轉戰去黃金商場逛了一陣買到野。 友人揸架車兜了兩圈諗起久違了嘅強記大排檔。秋風起最好坐路邊睇吓街景又可以睇到架車，去到才知道這區要重建但好彩幾擋䥫皮屋嘅大排檔依然存在，風味還有。靚女姐姐介紹下重點叫了古法焗魚腸冇時間嘅朋友真的不要叫諗真係要等上半個鐘頭一上枱就令我興奮食時加了胡椒粉味道更加出及香果然食番古樸懷舊餸他們仲有小炒叫了個涼瓜排骨（心水之選）即叫即炒很正食間見到個油浸筍殼係呢啲大排檔先可以食到這個餸肥美飽滿下次一定要食最後要提吓老闆娘好友善食到佢哋街坊之人情味涼風吓寫意滿意的一餐

放工時段同朋友想搵小菜食下黎到深水埗沒有目的地被我找到一間叫強記既大牌檔鋪頭細細間，但相當顯眼！因為成條街都擺滿枱，而且坐滿人一心諗住咁，咁細間鋪都咁多人食一定好有鑊氣叫左幾個餸，首先黎個炸大腸認真唔錯，炸得夠脆，而且用酸羅白拓底十分開胃，之後三個菜一一送到西蘭花鮮魷同黑椒牛骨，不過不失；基本上每間食肆都差唔多最後一個雲耳牛肉煲好味，送飯一流，如果牛肉多d就好總括黎講都唔算，但有樣唔好係啤酒要自己行去冷巷買，唔知係咪唔想拎酒牌......食開大牌檔，環境唔好預佢清潔衛生！但相對好既係，慢慢食慢慢坐

食物完全唔可以擺上台,聖子有尿味,呢一樣依經夠死,叫左個蒜香牛樓粒,點知來個豉油牛樓粒,馬拉盞煲完全無味,真係做左咁多年人,未試個一間餐係要中途轉埸!!!!!!

朋友有嘢做，所以去食宵夜，貪佢有85折，點知日至四晚十一點後85折埋單先知無左。之前食過薑䓤魚頭煲，好食，但想試新嘢，就出事。叫個沙鍋魚頭煲，送到蒞啫都唔啫吓，水滴滴，豆腐仲有酸叔味，魚頭尐粉多個李私煙，一尐都唔好食。叫左碟大豆芽炒大腸，大腸無味，豆芽好似無炒過咁一陣草青味，唔係爽，係硬！最搵笨實係個叫鴛鴦骨嘅物體，叫時以為好似生炒骨再淋唔同汁，點知係三塊炸到燶晒乾晒剪開嘅豬扒，撻兩pat汁落去，成為八十幾？唔L係呀？三塊豬扒俾兩碟醬我收我八十幾，仲要燶同柴到無朋友！好老實，呢間嘢有尐嘢係得，不過千其唔好試嘢，食返尐你食開嘅嘢會好尐，無八五折，老實，我就唔會幫襯，深水埗大L把嘢好食過你！

星期六跟同事聊著聊著已過了家中晚飯時間，都想找個地方醫肚想試試大牌檔風味，二話不說便拉了同事過來坐在街頭雖然無冷氣勝在檯椅之間夠闊落，比起不少食肆人踫人肩撞肩好得多只得兩個人，雖說是大男人，亦叫不了太多，點幾個的招牌菜炸大腸神緒外酥內軟的口感，而且它的脂肪是有爽脆感的香香脆脆有咬口,蘸點甜酸汁又可去除油膩啫啫雞煲打開煲蓋已經聴到啫啫聲此起彼落，由於高速爐烹調雞油早已逼出，入口果然不油膩，而原粒乾蔥更令整個煲濃香撲鼻白飯未上已經吃完半煲焗魚腸雖説是下欄菜式，言而賣的是心機，將弄好魚腸和雞蛋一齊焗魚腸由於要過油鑊處理過，沒丁點兒腥味，特別在用砵仔盛載趁熱一嘗，入口既脆且滑，果然非同凡響墨魚餅是手打出來，所以膠性較強，入囗彈牙，又是啤酒時間小店菜單上是有很多選擇的，下一次有機會我應該會嘗嘗別的!提外話深水埗區經歷過去半世紀的高速發展，今天已經成為市區重建的重點項目「強記大牌檔」於1968年遷址於深水埗耀東街上，營業至今己接近半個世紀印象深刻當時我讀小學，屋企對面係強記，屋企人便是他們的長期客仔強記由最初經­營港式粥品油器，轉形到廣東燒臘，再演變成今日的街坊小菜無不與香港的經濟週期、時­代變遷

星期5在旺角睇完戲食宵夜,好友話呢度好正一共三人揸車黎呢度試下,己經差不多11點是日天氣涼爽，坐外面真係幾舒服一坐下叔叔先來例湯,蓮藕鱆魚煲豬肉夠料、夠火喉兼沒味精！初步印象分已大增！我們人數不多，只點了以下幾個招牌菜，另外叫左支啤酒等左唔夠10分鐘第一道就來到了係出名的啫啫雞煲,標明是招牌菜,好香好好味原理用葱頭、薑加油起鑊爆香，加入雞件及豬肝仲有汁料是一貫蝦醬，所以味道很香，可以送飯避風塘茄子　避風塘醬料令到茄子十分香口一咬落去層皮特別脆熱得黎又不失鬆軟,充滿茄子肉香味沙丹蝦球醬汁酸甜味剛剛好,蝦球落粉過油再回鑊再淋上甜酸醬.好醒胃,蝦球保持蝦肉味,相當唔錯腐乳炒通菜夠爽身, 腐乳調味鹹道拿捏得剛剛好,味道還挺香的整體十分不錯,上菜速度也算快，職員友善服務又好

強記我都去過幾次，佢嘅質素向來唔錯這次一行四人，我同老友先到，一坐低先叫樽大啤啤一啤仲有兩條友未來，先試個小食，食住等香煎墨魚餅熱氣騰騰，人手打墨魚膠質重粉漿夠薄唔會食到成口粉，真係好特別，每啖都咁香口之後朋友到齊我地再一路叫啤酒一路叫小菜炸大長拼墨魚，兩款都是真材實料，墨魚爽彈，炸得又夠香口炸大長皮真夠脆，難得的是乾身沒有油，甜甜地既醬亦很令人回味缽仔焗魚腸，加入薑絲全沒有魚腥味，表層焗至金黃色如酥皮主餡雞蛋唔會水汪汪，蛋中魚腸的鮮味加上香濃胡椒粉味滑嘟嘟口感特別，蛋香魚味交織，令人停不了口金銀蛋莧菜清清地，金銀蛋都好足料！味道剛好，唔會咸另外還要了鍋例湯，夠熱而且湯的味道很濃料都足大排檔格局，整體唔錯，我們坐在店外食，雖然好嘈，又熱但係食到咁多美食，飲下啤酒食下野，六點坐到十點4個人吃了三百多元，經濟實惠，真係好過去餐廳酒樓

朋友聚舊，到大牌檔吃最開心！可以方便些隨便些！朋友帶到石硤尾強記去！一於 開心陶醉晚下！我地楂架貨Van嚟之後都見到好多人都係楂車嚟！街道水靜河飛，只有這家大排檔仍然燈光通明雖然天氣好鬼熱冇冷氣，但係都無阻我坐街心情當晚一行6人 點了5個小菜和一個例湯(大)首先例湯一碗份量夠6人飲，蓮藕湯好清甜一路吹水再叫其他野自己揀選2隻大肉蟹，薑蔥炒，好好味呀~~蟹好新鮮，好多肉蒜茸開邊蒸海中蝦，蒜茸同汁的味道不錯掛住食，唔記得影相，算係抵食之一蒜茸炒白菜仔 一般菜色難不到師父吧， 味道不錯合格墨魚餅 非常有口感和彈口 值得一試蒸水蛋，蛋與水的比例不錯，所以嫩滑，原味清淡整體而言，各樣小菜的味道均不俗清潔程度還可以，其實麻甩風味都係賣點之一嘛！而服務亦不錯！ 有機會，我會試下其他海鮮的！

同友人打完波, 一行8 人黎到呢間坐落眾多大排檔既街道耀東街既強記去得呢D地方吾會預坐位舒服, 追求既只有鑊氣同美味大家一坐低即刻叫左班腩炒西蘭花好簡單, 只要班腩新鮮就好好味三色蒸水蛋呢D舊式菜好難食到, 將雞蛋,咸蛋,皮蛋一齊蒸, 撈飯一流骨髓薈三鮮骨髓新鮮糠醋炒蝦酸酸甜甜好開胃,側邊既黃色脆脆就好似米通甘可以食埋椒爆生腸生腸彈牙夠鑊氣

是晚女友補完習，係石硤尾搵食，成日食萬發，不如就試下強記吧，我阿媽話都唔錯，其實每次經過都係甘多人，但呢晚唔洗等位，本來執緊張枱俾我地，但有對情侶自己行入去就甘底左，噢，好彩另一邊都有位，仲要舒服啲，真好。叫左3個餸，椒鹽九肚魚，豆腐班腩煲，炒雜菇加一個白飯!!!椒鹽九肚魚，炸得外脆內軟，但其實無什麼突出既味道，係小小香口甘，一般!!豆腐班腩煲，豆腐軟滑，班腩普通正常，但仲有火腩同冬菇，令呢個煲加了分，整體算是中上之作!!炒雜菇，主要有秀真菇，雞脾菇同冬菇，個汁非常之冶味，很濃既醬油味，啱晒我既胃口，底下既菜心爽脆，真好平衡下菇既咸味!!!食完真係好飽，呢度既份量是挺多的，其實女友食好少，通常食剩既都係我k.o.的，好彩只叫一碗飯!!!多謝上天又給了我一餐温飽~

是晚想吃一些街坊小菜, 突然想起石硤尾, 都很久沒光顧了, 又看看是次會如何這些大排檔都竟然有客人設計出一個拼盤, 令客人能以最少盡嚐最多的美味! 炸墨魚餅彈牙, 椒盬鮮魷薄炸粉又脆口, 炸鴨舌不過不失但不是亮點, 豬頸肉不很出色但不是差的,可能是過乾了, 最後是炸大腸, 很脆很有咬口, 沒有嗅味, 處理得好是次是很滿意這個拼盤, 其他小菜都很有水準, 而且份量很多, 絕不吝惜, 讚!

晚上此店就做小炒, 早上同樣都有早餐供應, 價錢相宜份量都算重量級.是日要左個豬扒蛋公仔麵, 仲有火腿三文治再配杯熱奶茶.特別喜歡此店既奶茶香濃之餘夠滑入口甘香.豬扒薄身輕輕煎後少少脆口而且醃得入味.至於火腿三文治只屬一般麵包亦偏硬身.

一睇到個名大牌檔,好多人就以為要大熱天時坐喺街邊大汗疊細汗咁食,其實呢度係大牌檔,個廚房係喺街邊,你亦可以坐街邊食,但佢亦有幾間舖供人入去一路涼冷氣一路食飯~禮拜六晚家庭聚會,我地啲細可以話事,就揀咗去呢間一路都好想試好耐嘅大牌檔~都知道禮拜六晚實多人,雖然係約咗9點先食,但始終人多,穩陣起見都係訂定檯方為上策~由於訂咗檯又早到,故唔駛等好耐就俾到檯我地~17個人一張大檯,其實我訂咗兩張檯,不過屋企人見有好多人等位,而且逼埋一張檯食飯開心啲,就放棄另一張檯~已經唔記得嗌咗幾多碌啤酒,尤如當水飲一樣~~其實叫咗好多餸,話晒17條友,不能盡記,但記得有出名嗰幾樣:1. 焗魚腸 - 味道唔錯,但略嫌太多水2. 古法炆斑尾 - 呢個正呀,雖然斷斤秤,正條total $300,但真係好大條,好好味~3. 避風塘軟殼蟹 - 即係椒鹽咁整,好有鑊氣,送酒一流4. 炸墨魚餅 - 十幾條友,得幾舊餅,分到一細舊,好難講好唔好食...5. 啫啫雞煲 - 呢個就稍為普通...其餘就好多普通小菜...一句講晒,去得過~

兄弟姊妹多個家庭16人(有大人、小朋友和食素的雯雯)來自港九新界到來吃飯，全因深水埗住的滿滿推薦，但最後覺得失望，是菜式選擇錯還是廚師的功力失敗? 研究一會結果是廚師要負最大責任。我們吃了10多樣菜，有些是開雙有些是例牌。最早上枱的是蛋炒苦瓜，苦瓜不苦，蛋不滑，是加入了粉後煎。椒鹽和炸的菜式太多，可知炸的肉類都是雪藏貨，如炸拼盤，內有炸大腸、豬頸肉、鴨舌和魷魚，我夾了一件鴨舌入口，吐出半件，因有雪味之餘又油膩，對其餘更油膩的3樣膽固醇食物更禁絕吃。對食物最咀尖的全全更彈過不停，叫疑似老細的請他吃一件鴨舌，再請他自己評評味道，但他沒有反應，不聞不問。焗魚腸（以為是招牌菜會有保證），外層炸到深啡色，魚腸有苦味，都算吧，再吃第二口，發現有大塊蛋殼，好彩未放入口。炸墨魚餅沒有墨魚味，實實的餅要用點牙力咀嚼。柚子雞球原本不錯的味道，酸酸甜甜，可惜炸完雞球的外層已稔了不脆，令全全和漢漢想起KFC的炸雞，我吃一件已足夠，還是吃青椒和洋蔥吧。暏暏雞煲亦是招牌菜，康康夾了一件無皮的給我吃，我發覺那件雞是走過油之類，有焦焦的外層，而肉較乾身和'鞋'。豉椒炒垷和炒蟶子普通，沒有鑊氣，很快凍。豉油王鵝腸，看見

幾年前我同幾個朋友去深水埗強記大排檔食飯, 每樣食物好食之餘又夠獲氣~ 當日食完後十分滿足地離開, 個人對於那個招牌漿爆生腸記憶猶新!!!!相隔4年, 打算跟相同的朋友再去, 奇怪在上open rice竟然沒有人comment 過我最愛的漿爆生腸~ 但係………雖然充滿疑惑, 大家最後都決定到強記晚餐!!! 坐定後,我立即問周圍的伙計有無漿爆生腸, 幾個伙計分別同我地講: 1.一向無呢個送 2. 一兩年前有但已經無左!!!既然坐低左照order幾款招牌菜: 1.炸墨魚餅 - 伙計推介既, 但講真唔係好特別又唔好係食…….一句講晒, 無墨魚鮮味2.啫啫雞煲 – 成個煲上熱辣辣, 不過越食越咸3.砵仔焗魚腸 – 我食左一啖咁大把, 魚腸腥腥地4.鹽水蜆 – 我睇comment話係花甲蜆, 根本唔係, 普通炒蜆o個種蜆!!!!!!咁有咩好食者…….5.馬拉盞通菜 – 一般啦, 唔夠馬拉盞feel其實食到一半, 另外個朋友已經開始發覺唔對路……..覺得呢間並唔係我地幾年前幫襯過既強記, 之後大家上網search先知道深水埗有兩間強記!!!!!而我地要去既漿爆生腸強記係位於基隆街~於是立即賣單走