八幡屋日本料理 (已結業)

今日同朋友去了旺⻆兆萬的八幡屋食日式放題，見個宣傳牌都係大眾化價錢，便上去試吓啦。餐廳內嘅燈光暗暗哋，氣氛好似唔錯，但座位就算不上是寬敞，位與位之間也很親近。枱面面積也不大，放多兩碟食物已經放不下了，所以經驗之談就是不要一次過點太多食物。 我們未點完食物，服務員便先送來呢盤五行壽司，分為金、木、水、火、土，當中的海膽、甜蝦和帶子，是我最為欣賞，果然是有水準之作。這裡都係好傳統的劃紙仔叫嘢食 ~第1 轉，就當然緊係食吞拿魚和三文魚刺身啦，新鮮度尚算滿意。仲有呢個赤蝦刺身和鮑片刺身都係要讚佢一讚 ~ 夠肥美、夠大隻、又夠新鮮。跟住就係海膽和芥辣八爪魚壽司，真係又要比個like佢啦！我們仲叫了個黃金焗蠔，用芝士焗的，不過隻蠔殼大，肉就細隻咗D！天婦羅中的海蝦、南瓜和蕃薯，蝦都算幾新鮮，炸漿很薄，都冇失望。汁燒元貝和鹽燒雞翼就夠香，不過個人覺得淡味了一點！ 這個叫地獄汁煮螺，以為會好辣，點知原來係唔辣，所以我可以一次過便食晒佢！日式汁煮牛肉鍋~牛肉都好夠味和香滑，味道不俗。最後緊係食埋甜品先叫完美的一餐，有焦糖菠蘿、芒果布甸和泡芙，甜度剛好，令人回味。