船皇 (謝斐道) (已結業)

泰國船麵係重口味之友，船皇既正宗泰國🇹🇭船麵，無論湯底同調味都係由泰國總店直送，保證喺香港都食到正宗地道泰國風味！湯底係由牛骨煲3小時，再加入香葉、香料秘製熬煮而成，超級濃郁，湯底藥材味濃郁，鮮甜得嚟唔會有腥味～ 平時一般係細細碗，呢度可以一次過要大碗裝食得再過癮啲我今次就揀咗牛腩、牛肉片、牛肉丸組合，牛腩好淋又夠入味；牛肉片同牛肉丸就正常普通野，不過要讚既係個蛋麵夠晒彈牙~ 仲有炸豬皮索左湯之後口感一流～要左小辣好似唔係好夠辣，好彩檯頭有魚露、醋同辣椒粉可以自行配搭～