潮味苑

營業中

休息中

今日去黃金商場買電腦配件， 經過長沙灣道，見有一間新開嘅潮州菜館，櫥窗掛滿了滷水鵝，望見都流口水，又諗起好耐冇食潮州打冷， 就決定在此吃晚飯。食店裝潢有啲似茶記，但由於係新開張，店內裝修都算乾淨企理。食潮州菜，當然必食滷水喇，先叫滷水拼盤(小)，再加一碟滷水鵝片，好彩滷水完全冇令我失望。滷水鵝片鵝片啖啖肉，滷水味很濃，墊底豆腐非常滑溜 ，。滷水拼盤(小)拼盤大大碟，有生腸、墨魚、鵝腸、鹵水蛋、紅腸、豬頭肉……等，最抵讚嘅係鵝腸，洗得好乾淨，帶少少肥膏，爽脆得嚟帶甘香，難得。諗住叫完滷水拼盤，滷水鵝，再叫個魚麵、沙爹牛肉芥蘭加個韭菜豬紅就夠食喇！點知食物上枱，嚇咗一跳，全部都好大碟，份量好夠，食極食唔完。三絲炒魚麵彈牙魚麵，配上肉絲、香芹和冬菇，香氣滿溢。沙爹牛肉芥蘭濃濃沙爹炒嫩滑牛肉，配脆口芥蘭，！韮菜猪紅豬紅入味，送粥一流。