影片
更多
2019-09-08
1666 瀏覽
舊同事同我介紹過尖沙咀有間高質嘅甜品舖，佢話佢由元朗舖食到而家，我上網睇過啲相又真係幾靚😍。呢日因為同朋友慶祝生日，所以終於搵到個好機會嚟試下喇。我早一日有打電話去book定枱同預備生日牌🎂，女店員勁有禮貌同清晰覆返我。本身book咗1點，但我遲到所以打比餐廳改遲啲點半到，女店員叫我唔使急慢慢仲話幫我改1點9，勁細心☺️。舖頭位置勁方便，尖沙咀站A2直出2分鐘就係。餐廳喺3樓，舖頭唔算超大，裝修都幾colourful🌈，仲用好多鈕做裝飾襯返餐廳主題。我哋首先一人叫一個lunch set先，我就叫咗糖鈕海南雞飯🐓(配清雞湯)($80)，個雞湯就正常啦，但唔夠熱扣咗少少分。到海南雞飯喇，個碟超大，飯同雞份量都唔少。味道唔錯，雞肉好滑，配啲醬幾惹味，油飯雖然唔係好濃但幾正，唯一要彈就係蘿蔔青瓜各得一條，少咗啲！朋友就叫咗奇珍香草燒春雞伴薯角🐔🥔($78)，上碟幾靚同埋勁香，一開始望落同聞落好似好熱氣，但切開隻雞之後發現係勁juicy💦，正呀抵讚👍🏻，肉亦都唔鞋，不過唯一要彈又係薯角份量太少喇！呢個餐就可以揀餐湯或沙律，佢要咗湯，係南瓜忌廉湯，就無乜特別，比較稀。兩個Lunch Set都有配杯花
我早一日有打電話去book定枱同預備生日牌🎂，女店員勁有禮貌同清晰覆返我。本身book咗1點，但我遲到所以打比餐廳改遲啲點半到，女店員叫我唔使急慢慢仲話幫我改1點9，勁細心☺️。舖頭位置勁方便，尖沙咀站A2直出2分鐘就係。
餐廳喺3樓，舖頭唔算超大，裝修都幾colourful🌈，仲用好多鈕做裝飾襯返餐廳主題。我哋首先一人叫一個lunch set先，我就叫咗糖鈕海南雞飯🐓(配清雞湯)($80)，個雞湯就正常啦，但唔夠熱扣咗少少分。到海南雞飯喇，個碟超大，飯同雞份量都唔少。味道唔錯，雞肉好滑，配啲醬幾惹味，油飯雖然唔係好濃但幾正，唯一要彈就係蘿蔔青瓜各得一條，少咗啲！
朋友就叫咗奇珍香草燒春雞伴薯角🐔🥔($78)，上碟幾靚同埋勁香，一開始望落同聞落好似好熱氣，但切開隻雞之後發現係勁juicy💦，正呀抵讚👍🏻，肉亦都唔鞋，不過唯一要彈又係薯角份量太少喇！呢個餐就可以揀餐湯或沙律，佢要咗湯，係南瓜忌廉湯，就無乜特別，比較稀。兩個Lunch Set都有配杯花茶，幾好飲。
食完午餐就到主角出場喇，我同店員打個眼色👀，佢就完全知道要上甜品喇，仲勁細心撥一撥個冷氣風口位等蠟燭🕯️唔會吹熄，喺到慶祝生日真係超好，因為有超醒目同窩心嘅店員，唔會被輕易拆穿XD。加上呢到嘅甜品超靚😍同好好食😋，別出心裁，款款都係自家製，勁特別，出面唔會食到！！！果然係做甜品起家👍🏻👍🏻👍🏻。
大糖鈕特選拼盤
$238
32 瀏覽
0 讚好
0 留言
大糖鈕特選拼盤($238)，生日牌加蠟燭(+$10)，包括餐牌內5款主打甜品加3款神秘甜品，每樣細細哋，但又未到一啖無咗，超好可以一次過試哂咁多種🤤。應該係老闆/大廚👨🏻🍳嘅人幫我哋影完相之後，就同我哋逐一介紹每款甜品係啲乜，邊樣濃啲淡啲，應該食邊樣先咁。但有成8款咁多，都記唔得哂🙈，所以食嘅時候會有矇眼試食嘅感覺，要食真啲係乜味。另外伴碟有好多用朱古力整嘅衫鈕👍🏻，有心思。
15 瀏覽
0 讚好
0 留言
首先第1樣我哋食咗熱嘅富士蘋果撻(即係蘋果金寶)先🍎，配上雲呢拿雪糕🍦，又凍又熱好正，金寶脆脆好脆，加上啲蘋果肉好好食，印象中肉桂味唔會太濃。上面仲有個珊瑚造型嘅裝飾。
第2樣食先就係微暖嘅神秘甜品，白/黑松露芝士蛋糕🍰，個樣係睇唔出的，因為上面有啲爆珠同桃嘅果肉🍑(好似係)。下面嘅芝士蛋糕暖暖哋，我覺得個口感其實似麵包布甸多啲，最特別係佢咸咸哋同勁香，可能係松露嘅關係啦。
18 瀏覽
0 讚好
0 留言
第3樣食就係加細碼柚輪🍋(蜜柚芭菲拿破侖)，呢個好靚呀，個拿破侖係車軚形狀㗎，幾脆幾好食，而個蜜柚雪芭定mousse都幾大嚿下，同埋食落好清新，唔會太甜，冰冰涼涼，完全唔膩，好正呀😋。
11 瀏覽
0 讚好
0 留言
上面呢3樣係我最鐘意食嘅甜品，一開始就食咗🙈。之後第4樣就食呢個粉紅色嘅甜品喇，冰鎮玫瑰荔枝燉蛋。上面仲有一個應該係酥皮做嘅玫瑰花，廚師👨🏻🍳叫我哋整碎去一齊食。個燉蛋又幾好味喎，texture似燉蛋，但就無乜蛋味，因為比玫瑰味🌹遮蓋咗，不過幾正，玫瑰味唔會太假。
下一樣第5樣就係食個黑芝麻蛋糕，上面兩層米白色嘅係都係差唔多口感，但唔係好記得咗係乜味🙈。黑芝麻嘅味道比我想像中好，因為我本身唔鐘意，佢唔會太濃好似芝麻糊咁，呢款亦係神秘甜品之一。
11 瀏覽
0 讚好
0 留言
之後食嗰三樣就係比較濃味嘅，廚師👨🏻🍳建議我哋最後食，第6樣食嘅就係呢個有個🍄菇菇造型嘅甜品小糖鈕，下面係橙味嘅燉蛋，個蛋都真係幾濃香橙味🍊。而最特別都係粒菇菇，像真度超高，上面係蛋白脆餅，下面個菇椗就係用mousee做，白朱古力加松露整成，超香呀，I like it😍。松露做甜品真係好正。
第7樣食嘅又係神秘甜品嚟，用牛奶樽仔裝，下面係橙🍊😳，上面係好濃嘅朱古力mousse，再搭啲脆米。我就一般般呢個啦，橙搭甜品食會酸，朱古力就有點濃。
8 瀏覽
0 讚好
0 留言
最後第8樣就係冰綠茶．70%朱古力，即係🍵綠茶芝士冰餅配特濃朱古力，最得意係有2條腐竹搭喺到裝飾，食嗰時會諗起腐竹雞蛋糖水XD。個綠茶餅都ok的，但朱古力味🍫太濃喇，令到食唔出綠茶味。可能自己本身就一般朱古力啦，所以最尾呢2款我就唔係好鐘意，好彩廚師👨🏻🍳有介紹濃味嘅最後食，咁就唔會影響到其他嘅味道👍🏻。
總括嚟講，甜品真係好似我同事咁講好高質，味道同造型都滿分💯，當然有部份就未必咁啱我胃口，不過口味嘅嘢就因人而異啦。甜品比咸食出色，但咸食其實都唔差。大拼盤雖然要成二百幾蚊，但考慮到個甜品真係超水準，完全show到廚師嘅功價，所以都值呀！🥳加上女友人見到我用個甜品盤同佢慶生，真係有心心眼到話好靚😍，我都好開心。最後要讚嘅就係所有店員服務都超好，好到令你覺得有啲唔好意思🙈。我非常推介要嚟🍭小糖鈕試下佢嘅甜品(慶祝生日亦可)，我自己都會再嚟，因為廚師👨🏻🍳話神秘甜品係定時會轉架，保持新鮮感。張貼
